ತೇರದಾಳ : ಮುಂಬರುವ ಕರ್ನಾಟಕ ವಿಧಾನಸಭಾ ಚುನಾವಣೆಯ ಭಾಗವಾಗಿ ತೇರದಾಳ ವಿಧಾನಸಭಾ ಕ್ಷೇತ್ರದಿಂದ ಸೋಶಿಯಲ್ ಡೆಮಾಕ್ರಟಿಕ್ ಪಾರ್ಟಿ ಆಫ್ ಇಂಡಿಯಾ (ಎಸ್ ಡಿ ಪಿ ಐ) ಅಭ್ಯರ್ಥಿ ಯಮನಪ್ಪ ಗುಣದಾಳ ಅವರು ಬೃಹತ್ ಕಾಲ್ನಡಿಗೆಯ ಜಾಥಾ ಮೂಲಕ ಆಗಮಿಸಿ ಮಂಗಳವಾರ ನಾಮಪತ್ರ ಸಲ್ಲಿಸಿದರು.
ಈ ಸಂದರ್ಭದಲ್ಲಿ ಎಸ್ಡಿಪಿಐ ಬಾಗಲಕೋಟೆ ಜಿಲ್ಲಾ ಚುನಾವಣಾ ಉಸ್ತುವಾರಿ ಸಲಿಂ ಅವಟಿ ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ಅಬು ಜಮಾದಾರ , ಉಮರ್ ಫಾರೂಕ್ ಕಾಲೆಖಾನ ಜಿಲ್ಲಾ ಉಪಾಧ್ಯಕ್ಷ ಫಾರೂಕ್ ನದಾಫ್ ಜಿಲ್ಲಾ ಕಾರ್ಯದರ್ಶಿ ರಮಜಾನ ಕಡಿವಾಳ ಜಿಲ್ಲಾ ಮುಖಂಡರಾದ ಇಮ್ತಿಯಾಜ್ ಗೋಕಾಕ ತೇರದಾಳ ವಿಧಾನಸಭಾ ಕ್ಷೇತ್ರ ಅಧ್ಯಕ್ಷರಾದ ಪರುಶುರಾಮ ಮೇತ್ರಿ ಹಾಗೂ ಅನೇಕ ಮುಖಂಡರು ಕಾರ್ಯಕರ್ತರು, ಹಿತೈಷಿಗಳು ಭಾಗವಹಿಸಿದ್ದರು.
ಈ ಸಂಧರ್ಭದಲ್ಲಿ ಮಾದ್ಯಮ ಮುಖಾಂತರ ಜನರಿಗೆ ತಾವು ಗೆದ್ದು ಬಂದ ಮೇಲೆ ತೇರದಾಳ ವಿಧಾನಸಭಾ ಕ್ಷೇತ್ರದಲ್ಲಿ ಸರಕಾರಿ ಹೈಸ್ಕೂಲ್ ಮಾಡುವುದು, ನೇಕಾರರ ಅಭಿವೃದ್ಧಿ ಮಾಡುವುದು, ರೈತರಿಗೆ 8 ಘಂಟೆ ತ್ರೀಪೆಸ್ ವಿಧ್ಯತ್ ನೀಡವುದು,ಮನೆಗೊಂದು ಸುಸಜ್ಜಿತವಾದ ಶೌಚಾಲಯ ನಿರ್ಮಾಣ ಮಾಡುವುದು.ಮೂಲಭೂತ ಸೌಲಭ್ಯಗಳನ್ನು ಪುರೈಸುವುದು,ಸಮಗ್ರ ಕ್ಷೇತ್ರ ಅಭಿವೃದ್ಧಿ ಮಾಡುವುದು ಎಂದು ಹೇಳಿದರು.
