ಬಂಟ್ವಾಳ: ತನ್ನ ಮನೆಯಲ್ಲಿ ನೀರಿನ ಅಭಾವ ಇದೆ ಎಂದು ಹಠ ಪಟ್ಟು 30 ಅಡಿ ಆಳದ ಬಾವಿಯನ್ನು ಒಬ್ಬನೇ ಅಗೆದು ಅಸಾಮಾನ್ಯ ಸಾಧನೆಗೈದ ಸೃಜನ್ ಪೂಜಾರಿ ಎಂಬ ವಿದ್ಯಾರ್ಥಿಯನ್ನು ಎಸ್ ಡಿ ಪಿ ಐ ಬಂಟ್ವಾಳ ವಿಧಾನಸಭಾ ಕ್ಷೇತ್ರದ ಅಭ್ಯರ್ಥಿ ಇಲ್ಯಾಸ್ ತುಂಬೆ ಗುರುತಿಸಿ, ಸನ್ಮಾನಿಸಿದರು.
ವಿದ್ಯಾರ್ಥಿ ನಿರ್ಮಿಸಿದ ಬಾವಿಯನ್ನು ವೀಕ್ಷಿಸಿದ ಇಲ್ಯಾಸ್ ತುಂಬೆ ‘ಸೃಜನ್ ಇಡೀ ದ.ಕ ಜಿಲ್ಲೆಗೆ ಹೆಮ್ಮೆ ತಂದಿದ್ದಾರೆ. ಇಂದಿನ ಯುವ ಪೀಳಿಗೆಗೆ ಇಂತಹ ವಿದ್ಯಾರ್ಥಿಗಳು ಮಾದರಿಯಾಗಬೇಕು. ಇವರ ಭವಿಷ್ಯ ಉಜ್ವಲವಾಗಲಿ’ ಎಂದು ಶ್ಲಾಘಿಸಿ, ಶುಭಹಾರೈಸಿದರು.
ವಿದ್ಯಾರ್ಥಿ ಸೃಜನ್ ಪೂಜಾರಿಯ ಈ ಸಾಧನೆಯನ್ನು ಗುರುತಿಸಿ, ಎಸ್ ಡಿ ಪಿ ಐ ವತಿಯಿಂದ ಸಾಧನಾ ಫಲಕವನ್ನು ನೀಡಿ, ಶಾಲು ಹೊದಿಸಿ ಸನ್ಮಾನಿಸಲಾಯಿತು.
ಈ ಸಂದರ್ಭದಲ್ಲಿ ಎಸ್ ಡಿ ಪಿ ಐ ಬಂಟ್ವಾಳ ಕ್ಷೇತ್ರಾಧ್ಯಕ್ಷ ಮೂನಿಷ್ ಆಲಿ, ಕ್ಷೇತ್ರ ಚುನಾವಣಾ ಉಸ್ತುವಾರಿ ಶಾಹುಲ್ ಎಸ್ ಎಚ್, ಕ್ಷೇತ್ರ ಕಾರ್ಯದರ್ಶಿ ಅಶ್ರಫ್ ತಲಪಾಡಿ ,ಪುರಸಭಾ ಸದಸ್ಯೆ ಝೀನತ್ ಗೂಡಿನ ಬಳಿ, ನರಿಕೊಂಬು ಗ್ರಾಮ ಪಂಚಾಯತ್ ಸದಸ್ಯೆ ಮುಮ್ತಾಜ್ ಉಪಸ್ಥಿತರಿದ್ದರು.
