ಗುರುಗಾಂವ್: ಗುರುಗಾಂವ್’ನಲ್ಲಿ ಜಿ20 ಶೃಂಗ ಸಭೆಗಾಗಿ ನಡೆದಿರುವ ತಯಾರಿಯಲ್ಲಿ ಇರಿಸಿದ ಹೂಕುಂಡಗಳನ್ನು ಕದ್ದ ವೀಡಿಯೋ ವೈರಲ್ ಆಗುತ್ತಲೇ ಗುರುಗ್ರಾಮದ ಪೊಲೀಸರು ಮನಮೋಹನ ಯಾದವ್ ಎಂಬಾತನನ್ನು ಬಂಧಿಸಿದ್ದಾರೆ.
ಕಳ್ಳ ಮನಮೋಹನ್ ಯಾದವ್ (50) ಬಂಧಿತ ವ್ಯಕ್ತಿ.
ಆತನಲ್ಲದೆ ಹೂಕುಂಡ ಕದ್ದ ಸಂಬಂಧ ಇನ್ನೂ ಇಬ್ಬರ ಮೇಲೆ ಎಫ್’ಐಆರ್ ದಾಖಲಿಸಲಾಗಿದೆ.
ಅಲ್ಲದೆ ಹೂಕುಂಡ ಕದಿಯಲು ಬಳಸಿದ ಕಾರನ್ನು ಕೂಡ ವಶಪಡಿಸಿಕೊಳ್ಳಲಾಗಿದೆ ಎಂದು ಗುರುಗಾಂವ್ ಪೊಲೀಸರು ತಿಳಿಸಿದ್ದಾರೆ.
ಜಿಎಂಡಿಎ- ಭಾರತೀಯ ಗುರುಗಾಂವ್ ಮೆಟ್ರೋಪಾಲಿಟನ್ ಪ್ರಾಧಿಕಾರದ ನಗರ ಪರಿಸರ ವಿಭಾಗದವರು ನೀಡಿದ ದೂರಿನ ಮೇಲೆ ಪ್ರಕರಣ ದಾಖಲಾಗಿದೆ.
ವೈರಲ್ ಆದ ಮತ್ತು ಈಗಲೂ ಸಾಮಾಜಿಕ ಜಾಲ ತಾಣಗಳಲ್ಲಿ ಇರುವ ವೀಡಿಯೋದಲ್ಲಿ ಇಬ್ಬರು ಹೂಕುಂಡಗಳನ್ನು ಕದ್ದು ಕಾರಿನಲ್ಲಿ ಇಡುವುದು ಕಂಡು ಬರುತ್ತದೆ. ಇದು ದಿಲ್ಲಿ – ಗುರುಗಾಂವ್ ಹೆದ್ದಾರಿಯಲ್ಲಿ ಶಂಕರ್ ಚೌಕ್ ಪ್ರದೇಶದಲ್ಲಿ ನಡೆದಿದ್ದು ಬಳಸಿದ ಕಾರು ಕಿಯಾ ಕಾರ್ನಿವಲ್ ಕಾರಾಗಿದ್ದು, ಅದರ ನಂಬರ್ ಪ್ಲೇಟ್ ನಲ್ಲಿ ಸಂಖ್ಯೆ 0006 ಸ್ಪಷ್ಟವಾಗಿ ಕಾಣಿಸುತ್ತಿತ್ತು.
