ದೆಹಲಿ ಮದ್ಯ ನೀತಿ ಹಗರಣ: ಜಾಹೀರಾತುದಾರ ರಾಜೇಶ್ ಜೋಶಿ ಬಂಧನ

ನವದೆಹಲಿ: ದೆಹಲಿ ಮದ್ಯ ನೀತಿ ಹಗರಣಕ್ಕೆ ಸಂಬಂಧಿಸಿ ಜಾರಿ ನಿರ್ದೇಶನಾಲಯ ಗುರುವಾರ ಜಾಹೀರಾತುದಾರ ರಾಜೇಶ್ ಜೋಶಿ ಎಂಬಾತನನ್ನು ಬಂಧಿಸಿದೆ.

ಗೋವಾ ಚುನಾವಣೆ ಸಂದರ್ಭದಲ್ಲಿ ದೆಹಲಿ ಅಬಕಾರಿ ನೀತಿ ಪ್ರಕರಣದಿಂದ ಕಿಕ್ ಬ್ಯಾಕ್ ಪಡೆದ ಆರೋಪದ ಮೇಲೆ ಚಾರಿಯಟ್ ಅಡ್ವಟೈಸಿಂಗ್ ಕಂಪನಿಯ ರಾಜೇಶ್ ಜೋಶಿ ಅವರನ್ನು ಜಾರಿ ನಿರ್ದೇಶನಾಲಯ ಬಂಧಿಸಿದೆ ಎಂದು ವರದಿಗಳು ತಿಳಿಸಿವೆ.

ಕಳೆದ ವರ್ಷ ಆಮ್ ಆದ್ಮಿ ಪಕ್ಷದ ಗೋವಾ ಚುನಾವಣಾ ಪ್ರಚಾರದಲ್ಲಿ ಬಳಸಲಾದ 2021-22 ರ ದೆಹಲಿ ಅಬಕಾರಿ ನೀತಿಯಿಂದ ಸಂಗ್ರಹಿಸಿದ 100 ಕೋಟಿ ರೂ.ಗಳ ಕಿಕ್ ಬ್ಯಾಕ್ ಅನ್ನು ಜೋಶಿ ಪಡೆದಿದ್ದಾರೆ ಎಂದು ಕೇಂದ್ರೀಯ ಸಂಸ್ಥೆ ತನ್ನ ಚಾರ್ಜ್ ಶೀಟ್’ನಲ್ಲಿ ಹೇಳಿಕೊಂಡಿದೆ ಎಂದು ಇಂಡಿಯಾ ಟುಡೇ ವರದಿ ಮಾಡಿದೆ.