ಬಿಜೆಪಿಯ ಸಿದ್ಧಾಂತವೇ ದ್ವೇಷ, ಅಸಹಿಷ್ಣುತೆ: ಕಾಂಗ್ರೆಸ್ ಟೀಕೆ

ಬೆಂಗಳೂರು: ಬಿಜೆಪಿಯ ಸಿದ್ದಾಂತವೇ ದ್ವೇಷ, ಅಸಹಿಷ್ಣುತೆ ಎಂದು ಕರ್ನಾಟಕ ಕಾಂಗ್ರೆಸ್ ಕಿಡಿಕಾರಿದೆ.

ಈ ಬಗ್ಗೆ ಟ್ವೀಟ್ ಮಾಡಿರುವ ಕಾಂಗ್ರೆಸ್, ಶಿವಮೊಗ್ಗದಲ್ಲಿ ಇತ್ತೀಚೆಗೆ ಬಿಜೆಪಿ ಸಂಸದೆ ಪ್ರಜ್ಞಾ ಸಿಂಗ್ ಠಾಕೂರ್ ನೀಡಿರುವ ಉದ್ರೇಕಕಾರಿ ಭಾಷಣದ ವೀಡಿಯೋ ಹಾಗೂ ಬಿಜೆಪಿ ಶಾಸಕ ಸಿ.ಟಿ.ರವಿ ಅವರು ವಿಧಾನಸಭೆಯಲ್ಲಿ ಭಯೋತ್ಪಾದನೆಯ ಬಗ್ಗೆ ಮಾತನಾಡಿರುವ ವೀಡಿಯೋವನ್ನು ಅಪ್ ಲೋಡ್ ಮಾಡಿದೆ.

ದೃಶ್ಯ 1: ಚಾಕು ಚೂರಿ ಶಸ್ತ್ರಾಸ್ತ್ರ ಹಿಡಿಯಿರಿ ಎಂದು ಬಹಿರಂಗವಾಗಿ ಕರೆ ಕೊಡುವ ಬಾಂಬ್ ಸ್ಫೋಟದ ಆರೋಪಿ ಬಿಜೆಪಿ ಸಂಸದೆ.

ದೃಶ್ಯ 2: ಜಾಗತಿಕ ಭಯೋತ್ಪಾದನೆ, ಹಿಂಸೆ, ಅಸಹಿಷ್ಣುತೆಯ ಬಗ್ಗೆ ಸದನದಲ್ಲಿ ಪುಂಖಾನುಪುಂಖವಾಗಿ ಉಪನ್ಯಾಸ ನೀಡಿದ ಸಿ.ಟಿ.ರವಿ

 ಹೇಳುವುದೇ ಬೇರೆ! ಮಾಡುವುದೇ ಬೇರೆ! ಬಿಜೆಪಿಯ ಸಿದ್ದಾಂತವೇ ದ್ವೇಷ, ಅಸಹಿಷ್ಣುತೆ ಎಂದು ಕಾಂಗ್ರೆಸ್ ಹರಿಹಾಯ್ದಿದೆ.