ಗ್ಲೈಡ್ ರೈಡ್ ಮಾಡಿದ ಸಾಕು ನಾಯಿ

ಸಾಕು ನಾಯಿಯೊಂದು ಮಾನವನ ಜೊತೆಗೆ ಗ್ಲೈಂಡಿಂಗ್ ನಲ್ಲಿ ಹಾರಾಟ ಮಾಡಿದ ವೀಡಿಯೋ ವೈರಲ್ ಆಗಿದೆ.   ವ್ಯಕ್ತಿ ತನ್ನ ಸಾಕು ನಾಯಿ ಜೊತೆಯಲ್ಲಿ ಗ್ಲೈಡ್ ರೈಡ್ ಮಾಡಿ ಅದನ್ನು ಜಾಲ ತಾಣದಲ್ಲಿ ಹಂಚಿಕೊಂಡಿದ್ದಾರೆ.

ಆದರೆ ಈ ವೀಡಿಯೋ ನೋಡಿದ ನೆಟ್ಟಿಗರ ಅಭಿಪ್ರಾಯಗಳೆಲ್ಲ ಸಕಾರಾತ್ಮಕವಾಗಿರಲಿಲ್ಲ. ನೋಡಿದರೆ ನಾಯಿ ತುಂಬ ಹೆದರಿಕೊಂಡಂತಿದೆ ಎಂದು ನೆಟ್ಟಿಗರು ಅಭಿಪ್ರಾಯ ಹೇಳಿದ್ದಾರೆ.

ಈ ವೀಡಿಯೋವು LADbibles ಇನ್ಸ್ ಸ್ಟಾಗ್ರಾಮ್ ನಲ್ಲಿ ಬಂದಿದ್ದು ಎಂಟು ಲಕ್ಷ ಮಂದಿ ವೀಕ್ಷಿಸಿದ್ದಾರೆ. ಇದನ್ನು ಮೊದಲು ಪೋಸ್ಟ್ ಮಾಡಿದ್ದು ನ್ಯಾಸ್ ಫ್ಲೇರ್.

ಈ ವೈರಲ್ ವೀಡಿಯೋದಲ್ಲಿ ಸಾಕು ನಾಯಿಯು ಸಾಕಿದಾತನೊಂದಿಗೆ ಗ್ಲೈಡ್ ಹಾರಾಟ ನಡೆಸಿದ್ದು, ಎಲ್ಲವನ್ನು ಗೋಪ್ರೋ ಮೂಲಕ ಚಿತ್ರೀಕರಿಸಲಾಗಿದೆ. ಆಮೇಲೆ ಜಾಲ ತಾಣದಲ್ಲಿ ಹಂಚಿಕೊಳ್ಳಲಾಗಿದೆ.