ದೇವರ ಶೀಘ್ರ ದರ್ಶನಕ್ಕೆ ಭಕ್ತರಿಗೆ 100 ರೂ ಫಿಕ್ಸ್ ಮಾಡಿದ ಕಟೀಲು ದೇವಸ್ಥಾನ ಮಂಡಳಿ

ಮಂಗಳೂರು: ನವರಾತ್ರಿಯ ಬಳಿಕ ಕರಾವಳಿಯ ಕಟೀಲು ಶ್ರೀದುರ್ಗಾಪರಮೇಶ್ವರಿ ದೇವಸ್ಥಾನದಲ್ಲಿ ಹೊಸ ನಿಯಮವನ್ನು ಜಾರಿಗೆ ತರಲಾಗಿದ್ದು, ಇದೀಗ ದೇವರ ಶೀಘ್ರ ದರ್ಶನಕ್ಕೆಂದು ನೂರು ರೂಪಾಯಿ ಫಿಕ್ಸ್ ಮಾಡಲಾಗಿದೆ.

ಶೀಘ್ರ ದರ್ಶನ ಪಡೆಯುವ ಪ್ರತಿಯೋರ್ವ ಭಕ್ತನೂ ನೂರು ರೂಪಾಯಿ ಪಾವತಿಸಿ ದೇವಸ್ಥಾನದ ಒಳಗೆ ಪ್ರವೇಶ ಮಾಡಬಹುದಾಗಿದೆ ಎಂದು ದೇವಸ್ಥಾನದ ಆಡಳಿತ ಮಂಡಳಿ ತಿಳಿಸಿದೆ.

ಸಾವಿರಾರು ಭಕ್ತರು ಸೇರಿದರೂ ಯಾವುದೇ ಗೊಂದಲ, ನೂಕು ನುಗ್ಗಲು ಆಗದಂತೆ ದರ್ಶನ ನಡೆಯುತ್ತಿದ್ದರೂ ಇದೀಗ ಶೀಘ್ರ ದರ್ಶನ ಎಂಬ ಹೆಸರಿನಲ್ಲಿ ನೂರು ರೂಪಾಯಿ ಪಡೆಯಲಾಗುತ್ತಿದೆ ಎಂದು ಭಕ್ತರು ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.

ರಾಜ್ಯದ ಕೆಲವು ದೇವಸ್ಥಾನಗಳಲ್ಲಿಯೂ ಈ ರೀತಿಯ ಹೊಸ ರೂಢಿ ಚಾಲ್ತಿಯಲ್ಲಿದೆ ಎಂದು ತಿಳಿದು ಬಂದಿದೆ.