ಅಸ್ಸಾಂ: ನಿರ್ಮಾಣ ಹಂತದ ಶೌಚಾಲಯದಲ್ಲಿ ಏಕಕಾಲದಲ್ಲಿ 35 ಹಾವುಗಳು ಪ್ರತ್ಯಕ್ಷವಾದ ಘಟನೆ ಅಸ್ಸಾಂನ ನಗಾಂವ್ ಜಿಲ್ಲೆಯ ಕಲಿಯಾಬೋರ್ ಪ್ರದೇಶದಲ್ಲಿ ನಡೆದಿದೆ.
ಹಾವುಗಳನ್ನು ಕಂಡ ತಕ್ಷಣ ಮನೆಯ ಮಾಲೀಕರು ಹಾವು ಹಿಡಿಯುವವರಿಗೆ ಕರೆ ಮಾಡಿದ್ದಾರೆ. ಅವರು ಮನೆಗೆ ನುಗ್ಗಿ ಆ ಹಾವುಗಳನ್ನೆಲ್ಲ ಒಟ್ಟಾಗಿ ಹೊರತೆಗೆದಿದ್ದಾರೆ.
ಹೊಸದಾಗಿ ನಿರ್ಮಿಸಿರುವ ಶೌಚಾಲಯದಲ್ಲಿ ಮನೆಯಲ್ಲಿ ಸುಮಾರು 35 ಪುಟ್ಟ ಪುಟ್ಟ ಹಾವಿನ ಮರಿಗಳು ಕಂಡು ಬಂದಿದ್ದು, ಮನೆಯವರು ಬೆಚ್ಚಿಬಿದ್ದಿದ್ದಾರೆ.
ನಾಗೋನ್ ಜಿಲ್ಲೆಯ ಕಲಿಬೊರ್ ಪ್ರಾಂತ್ಯದಲ್ಲಿ ವ್ಯಕ್ತಿಯೊಬ್ಬರು ಮನೆಯೊಂದನ್ನು ಕಟ್ಟಿಸುತ್ತಿದ್ದು, ಬಾತ್ರೂಮ್ ಬಳಿ ಶಬ್ದ ಕೇಳಿ ಬರುತ್ತಿದ್ದ ಕಾರಣ ಪರಿಶೀಲಿಸಿದ ವೇಳೆ ಅವರಿಗೆ ಹಾವುಗಳು ಕಂಡು ಬಂದಿದೆ.
ನಂತರ ಇವುಗಳನ್ನು ಹೊರಗೆ ತೆಗೆದು ಜೊಯಿಸಾಗರ್‌ ದಲಾನಿ ಪ್ರದೇಶದಲ್ಲಿ ಬಿಡಲಾಗಿದೆ.ಬಿಡಲಾಗಿದೆ. ಆದರೆ, ಈ ಹಾವುಗಳು ಹೇಗೆ ಇಲ್ಲಿಗೆ ಬಂದವು ಎನ್ನುವ ಕುರಿತಾಗಿ ಮನೆಯವರಿಗೆ ತಿಳಿದು ಬಂದಿಲ್ಲ.
ಶೌಚಾಲಯದಲ್ಲಿ ಹಾವು ಸೇರಿಕೊಂಡ ವೇಳೆ ಮೊಟ್ಟೆ ಇಟ್ಟಿದ್ದು, ಅವುಗಳು ಒಡೆದು ಮರಿಗಳಾದ ಕಾರಣ ಇಷ್ಟೊಂದು ಹಾವುಗಳು ಪತ್ತೆಯಾಗಿದೆ ಎನ್ನಲಾಗಿದೆ.
