ಈಕ್ವೆಡಾರ್: ಕರಾವಳಿ ನಗರವಾದ ಗುವಯಾಕ್ವಿಲ್ ನಲ್ಲಿ ಕೈದಿಗಳ ನಡುವೆ ಭೀಕರ ಕಾಳಗದಲ್ಲಿ ಸುಮಾರು 30 ಕ್ಕೂ ಮಿಕ್ಕಿದ ಕೈದಿಗಳು ಹತ್ಯೆಯಾಗಿದ್ದು, 48 ಮಂದಿ ಗಂಭೀರವಾಗಿ ಗಾಯಗೊಂಡಿದ್ದಾರೆ ಎಂದು ಜೈಲು ಅಧಿಕಾರಿಗಳು ತಿಳಿಸಿದ್ದಾರೆ.

ಪೊಲೀಸ್ ಮತ್ತು ಸೇನಾ ಕಾರ್ಯಾಚರಣೆಯ ಐದು ಗಂಟೆಗಳ ನಂತರ ಪರಿಸ್ಥಿತಿಯನ್ನು ನಿಯಂತ್ರಣಕ್ಕೆ ತರಲಾಯಿತು ಎಂದು ಜೈಲಿನ ಮೂಲಗಳು ತಿಳಿಸಿವೆ.

ರಾಜ್ಯ ಕಾನೂನು ಸುವ್ಯವಸ್ಥೆಯನ್ನು ಕಾಪಾಡುವ ನಿಟ್ಟಿನಲ್ಲಿ ಯೋಜನೆ ರೂಪಿಸಲಾಗಿದೆ ಎಂದು ಗವರ್ನರ್ ಪ್ಯಾಬ್ಲೊ ಅರೋಸೆಮೆನಾ ತಿಳಿಸಿದರು.

ಈ ಹಿಂದೆಯೂ ಈಕ್ವೇಡಾರ್ ಜೈಲಿನಲ್ಲಿ ನಡೆದ ಗಲಭೆಯಲ್ಲಿ 100 ಕ್ಕೂ ಮಿಕ್ಕಿದ ಕೈದಿಗಳನ್ನು ಕೊಲ್ಲಲಾಗಿತ್ತು. ಗಲಭೆಯನ್ನು ನಿಯಂತ್ರಿಸುವ ನಿಟ್ಟಿನಲ್ಲಿ ಈಕ್ವೇಡಾರ್ ಜೈಲಿನಲ್ಲಿ ತುರ್ತು ಪರಿಸ್ಥಿತಿಯನ್ನು ಹೇರಲಾಗಿದೆ ಎಂದು ಅಧ್ಯಕ್ಷ ಗಿಲ್ಲೆರ್ಮೊ ಲಾಸೊ ತಿಳಿಸಿದ್ದಾರೆ.