ತಂಪು ಪಾನಿಯ, ಸಿಹಿ ತಿಂಡಿ ಹಂಚಿದ ಅಡೆಕ್ಕಲ್ ಪರಿಸರದ ಹಿಂದೂ ಬಾಂಧವರು

ಉಪ್ಪಿನಂಗಡಿ : ಈದ್ ಮಿಲಾದ್ ಮೆರವಣೆಗೆಯಲ್ಲಿ ಸಾಗಿ ಬಂದ ಮುಸ್ಲಿಂ ಬಾಂಧವರಿಗೆ ತಂಪು ಪಾನಿಯ ಹಾಗು ಸಿಹಿ ತಿಂಡಿ ಹಂಚುವ ಮೂಲಕ ಸೌಹಾರ್ದ ಮೆರೆದ ಘಟನೆ ಪುತ್ತೂರು ತಾಲೂಕಿನ ಹಿರೆಬಂಡಾಡಿ ಗ್ರಾಮದ ಅಡೆಕ್ಕಲ್ ಸಮೀಪದ ಅಡ್ದಿಯಾಲ್ ಮೈದಾನದಲ್ಲಿ ನಡೆದಿದೆ.

ಸೋಮವಾರ ಮುಸ್ಲಿಂ ಭಾಂದವರು ಈದ್ ಮಿಲಾದ್ ಆಚರಿಸುತಿದ್ದು ವಿವಿಧ ಕಾರ್ಯಕ್ರಮ ಜಾಥಾ ನಡೆದಿದೆ. ಮೆರವಣೆಗೆಯಲ್ಲಿ ಸಾಗಿ ಬಂದ ಮುಸ್ಲಿಮರಿಗೆ ಸಿಹಿ ತಿಂಡಿ, ತಂಪು ಪಾನಿಯ ನೀಡುವ ಮೂಲಕ ನಾಡಿಗೆ ಸೌಹಾರ್ದತೆಯ ಸಂದೇಶ ಸಾರಿದ್ದು ಹಿಂದೂ ಬಾಂಧವರ ಈ ನಡೆ ವ್ಯಾಪಕ ಪ್ರಶಂಸೆಗೆ ಪಾತ್ರವಾಗಿದೆ.

ಮುಖಂಡರುಗಳಾದ ಹಿರೆಬಂಡಾಡಿ ಗ್ರಾಮ ಪಂಚಾಯತ್ ಅಧ್ಯಕ್ಷರಾದ ಸದಾನಂದ ಶೆಟ್ಟಿ ಅಡೆಕ್ಕಲ್, ರಮಾನಂದ ಪೆರಾಬೆ , ಯೋಗಾನಂದ ಬೋಳಾಮೆ ಹಾಗು ಇನ್ನೂ ಹಲವರು ಉಪಸ್ಥಿತರಿದ್ದರು.