ನವದೆಹಲಿ: ಕಮ್ಯುನಿಸ್ಟ್ ಪಾರ್ಟ್ ಆಫ್ ಇಂಡಿಯಾ ( ಮಾರ್ಕ್ಸ್’ವಾದಿ – ಲೆನಿನಿಸ್ಟ್) ಪಕ್ಷದ ಎಲ್ಲಾ ಹುದ್ದೆ ಮತ್ತು ಜವಾಬ್ದಾರಿಗಳನ್ನು ತೊರೆಯುವುದಾಗಿ ಕವಿತಾ ಕೃಷ್ಣನ್ ತಿಳಿಸಿದ್ದಾರೆ.
ಕವಿತಾ ಕೃಷ್ಣನ್ ಅವರು ಸಿಪಿಐ (ಎಂಎಲ್) ನ ಪಾಲಿಟ್ ಬ್ಯೂರೋ ಸದಸ್ಯರಾಗಿದ್ದರು ಮತ್ತು ಎರಡು ದಶಕಗಳಿಂದ ಕೇಂದ್ರ ಸಮಿತಿಯ ಸದಸ್ಯರಾಗಿದ್ದರು.
ಈ ಕುರಿತು ತನ್ನ ಸಾಮಾಜಿಕ ಖಾತೆಯಲ್ಲಿ ಪ್ರಯಿಕ್ರಿಯಿಸಿರುವ ಕವಿತಾ ಕೃಷ್ಣನ್, ತನ್ನನ್ನು ಸಿಪಿಐ (ಎಂಎಲ್) ಪಕ್ಷದ ಎಲ್ಲಾ ಹುದ್ದೆಗಳಿಂದ ತೆರವುಗೊಳಿಸುವಂತೆ ವಿನಂತಿಸಿದ್ದೇನೆ ಎಂದು ತಿಳಿಸಿದರು.
ಹಿಂದಿನ ಸೋವಿಯತ್ ಒಕ್ಕೂಟ, ಅದರ ಮುಖ್ಯಸ್ಥ ಜೋಸೆಫ್ ಸ್ಟಾಲಿನ್ ಮತ್ತು ಚೀನಾದ ಆಡಳಿತಗಳನ್ನು ವಿಫಲ ಸಮಾಜವಾದಗಳು ಎಂಬುವುದರ ಕುರಿತು ಚರ್ಚಿಸಲು ಸಾಧ್ಯವಾಗುತ್ತಿಲ್ಲ ಎಂದು ಅವರು ತನ್ನ ಪೋಸ್ಟ್’ನಲ್ಲಿ ತಿಳಿಸಿದ್ದಾರೆ. ಇವರು ಜಗತ್ತಿನ ಅತ್ಯಂತ ಕೆಟ್ಟ ನಿರಂಕುಶಾಧಿಕಾಶಾಧಿಕಾರಿಗಳು ತಿಳಿಸಿದರು.
ಈ ಹಿಂದೆ ಸಾಮಾಜಿಕ ಜಾಲತಾಣಗಳ ಮೂಲಕ ಕೃಷ್ಣನ್ ಅವರು ಚೀನಾ ಮತ್ತು ಯು.ಎಸ್.ಎಸ್.ಆರ್ ಅನ್ನು ಟೀಕಿಸಿದ್ದರು. ಅಲ್ಲದೆ ಜೂನ್ 26 ರಂದು ಚೀನಾದ ವಾಗ್ದಾಳಿ ನಡೆಸಿದ್ದರು.
