ಇಸ್ರೇಲ್ ಮತ್ತೆ ಅಟ್ಟಹಾಸ: ಗಾಝಾದ ಪುರಾತನ ಚರ್ಚ್ ಮೇಲೆ ದಾಳಿ

ಗಾಝಾ: ಕ್ರಿ.ಶ. 425 ರ ಸುಮಾರಿಗೆ ನಿರ್ಮಿಸಲಾಗಿರುವ ಗಾಝಾದ ಅತ್ಯಂತ ಹಳೆಯ ಚರ್ಚ್ ಸೇಂಟ್ ಪೋರ್ಫಿರಿಯಸ್ ಚರ್ಚ್ ಮೇಲೆ ಗುರಿಯಾಗಿಸಿಕೊಂಡು ಇಸ್ರೇಲ್ ಬಾಂಬ್ ದಾಳಿ ಮಾಡಿದೆ.

ಸಾವಿನ ಸಂಖ್ಯೆಯನ್ನು ಇನ್ನೂ ಘೋಷಿಸಲಾಗಿಲ್ಲ, ಆದರೆ ಗುರುವಾರ ತಡರಾತ್ರಿ ಗಾಝಾದ ಪ್ರಾಚೀನ ಚರ್ಚ್ ಅನ್ನು ಇಸ್ರೇಲಿ ನಾಶಪಡಿಸಿದ್ದು, ದಾಳಿಯಲ್ಲಿ ಅನೇಕ ಫೆಲೆಸ್ತೀನೀಯರು ಸಾವನ್ನಪ್ಪಿದ್ದಾರೆ ಮತ್ತು ಗಾಯಗೊಂಡಿದ್ದಾರೆ ಎಂದು ವರದಿಯಾಗಿದೆ.

ಗಾಝಾ ನಗರದ ಅಲ್-ಅಹ್ಲಿ ಆಸ್ಪತ್ರೆಯಲ್ಲಿ ಆಶ್ರಯ ಪಡೆದಿರುವ ಫೆಲೆಸ್ತೀನ್ ನಾಗರಿಕರನ್ನು ಗುರಿಯಾಗಿಸಿಕೊಂಡು ಇಸ್ರೇಲ್ ದಾಳಿ ನಡೆಸಿದ ಕೆಲವೇ ದಿನಗಳಲ್ಲಿ ಚರ್ಚ್ ಮೇಲೆ ದಾಳಿ ನಡೆದಿದೆ.