ಉತ್ತರಪ್ರದೇಶದ ಗೋಶಾಲೆಯಲ್ಲಿ ಹಸಿವಿನಿಂದ ಗೋವುಗಳ ಸಾವು

ಹೊಸದಿಲ್ಲಿ : ಉತ್ತರ ಪ್ರದೇಶದ ಗ್ರೇಟರ್ ನೋಯ್ಡಾದಲ್ಲಿರುವ ಗೋಶಾಲೆಯಲ್ಲಿ ಗೋವುಗಳು ಹಸಿವಿನಿಂದ ಸಾಯುವ ವಿಡಿಯೋ ವೈರಲ್ ಆಗಿದೆ.

ಗೋವುಗಳ ಹೆಸರಿನಲ್ಲಿ ಜನರನ್ನು ಹೊಡೆದು ಸಾಯಿಸುವ ಯೋಗಿಯ ರಾಜ್ಯದಲ್ಲಿ ಸಾಕಷ್ಟು ಆಹಾರಗಳು ಸಿಗದೆ ಗೋವುಗಳು ಸಾಯುತ್ತಿವೆ ಎಂದು ಸಾರ್ವಜನಿಕರಿಂದ ಕೇಳಿ ಬರುತ್ತಿರುವ ಆರೋಪ.  ಉತ್ತರಪ್ರದೇಶದ ಸಾಮಾಜಿಕ ಕಾರ್ಯಕರ್ತರು ಹಸುಗಳು ಸಾಯುತ್ತಿರುವ ವಿಡಿಯೋವನ್ನು ಟ್ವಿಟರ್‌ನಲ್ಲಿ ಹಂಚಿಕೊಂಡಿದ್ದಾರೆ.

ಪ್ರತಿದಿನ ಹನ್ನೆರಡಕ್ಕಿಂತಲೂ ಹೆಚ್ಚು ಹಸುಗಳು ಹಸಿವಿನಿಂದ ಸಾವನ್ನಪ್ಪುತ್ತಿದೆ ಎಂದು ಪ್ರತಿಪಕ್ಷಗಳು ಆರೋಪಿಸಿವೆ. ನೂರಾರು ಹಸುಗಳು ಹಸಿವಿನಿಂದಾಗಿ ಅಸ್ಥಿಪಂಜರದಂತೆ ಕಾಣುತ್ತಿದೆ ಎಂದು ಆರೋಪಿಸಲಾಗಿದೆ. ಗ್ರೇಟರ್ ನೋಯ್ಡಾದ ಜಲ್ಪುರಾ ಗೋ ಶಾಲೆಯಲ್ಲಿ ಸಾಕಷ್ಟು ಆಹಾರವಿಲ್ಲದೆ ಸುಮಾರು 2,000 ಹಸುಗಳು ಹಸಿವಿನಿಂದ ಬಳಲುತ್ತಿದೆ. ಗೋಶಾಲೆಯಲ್ಲಿ ಆಹಾರಗಳಿಲ್ಲದೆ ಗೋವುಗಳು ಅಲೆದಾಡುತ್ತಿದೆ ಎಂದು ಗೋಶಾಲೆಗೆ ಭೇಟಿ ನೀಡಿದ ‘ದಿ ಪ್ರಿಂಟ್’ ನ್ಯೂಸ್ ಪೋರ್ಟಲ್ ವರದಿ ಮಾಡಿದೆ.