ನವದೆಹಲಿ : ಸುಮಾರು 26 ವರ್ಷಗಳ ಹಿಂದಿನ ಯದ್ವಾತದ್ವಾ ವಾಹನ ಚಾಲನೆಯಿಂದ ಆದ ಅಪಘಾತಕ್ಕಾಗಿ ಸುಪ್ರೀಂ ಕೋರ್ಟ್‌ ಬಸ್‌ ಚಾಲಕರೊಬ್ಬರಿಗೆ 2000 ರೂ. ದಂಡ ವಿಧಿಸಿದೆ.
1995 ಫೆಬ್ರವರಿ 16ರಂದು ಸುರೇಂದ್ರನ್‌ ಎಂಬಾತ ಬಸ್‌ ಚಲಾಯಿಸುತ್ತಿದ್ದಾಗ ಸಂಭವಿಸಿದ ಅಪಘಾತದಿಂದಾಗಿ ಕಾರು ಚಾಲಕನೊಬ್ಬ ಗಾಯಕ್ಕೊಳಗಾಗಿದ್ದ.
ಈ ಸಂಬಂಧ ಮ್ಯಾಜಿಸ್ಟ್ರೇಟ್‌ ಕೋರ್ಟ್‌ ಆರು ತಿಂಗಳು ಜೈಲು ಮತ್ತು 500ರೂ ದಂಡ ವಿಧಿಸಲಾಗಿತ್ತು. ಈ ಬಗ್ಗೆ ಹೈಕೋರ್ಟ್‌ ನಲ್ಲಿ ಮೇಲ್ಮನವಿ ಸಲ್ಲಿಸಲಾಗಿ, ಹೈಕೋರ್ಟ್‌ ಒಂದು ತಿಂಗಳು ಜೈಲು ವಿಧಿಸಿತ್ತು. ಆದರೆ, ಇದೀಗ ಸುಪ್ರೀಂ ಕೋರ್ಟ್‌ 2000 ರೂ. ದಂಡ ವಿಧಿಸಿದೆ.
ತಾನು ಜೈಲಿಗೆ ಹೋದರೆ ಕುಟುಂಬದಲ್ಲಿ ಬೇರೆ ಯಾರೂ ದುಡಿಯುವವರಿಲ್ಲದ ಕಾರಣ, ತನ್ನ ಕುಟುಂಬಕ್ಕೆ ತೊಂದರೆಯಾಗಲಿದೆ ಎಂದು ಸುರೇಂದ್ರನ್‌ ಕೋರ್ಟ್‌ ಗೆ ಮನವರಿಕೆ ಮಾಡಿದ್ದರು.
