ನವದೆಹಲಿ: ಮೃತಪಟ್ಟ ತಂದೆಯನ್ನು ಬದುಕಿಸಲು ಶಿಶುವನ್ನು ಅಪಹರಣ ಮಾಡಿ ಬಲಿ ನೀಡಲು ಮುಂದಾದ ಮಹಿಳೆಯೊಬ್ಬಳನ್ನು ಪೊಲೀಸರು ಬಂಧಿಸಿದ್ದಾರೆ.
ಕೋಟ್ಲಾ ಮುಬಾರಕ್’ಪುರ ನಿವಾಸಿ ಶ್ವೇತಾ (25) ಬಂಧಿತ ಮಹಿಳೆ ಎಂದು ಗುರುತಿಸಲಾಗಿದೆ.
ಈಕೆಯ ತಂದೆ ಅಕ್ಟೋಬರ್’ನಲ್ಲಿ ನಿಧನರಾಗಿದ್ದು, ಶಿಶುವನ್ನು ನರಬಲಿ ನೀಡಿದರೆ ತನ್ನ ತಂದೆಯನ್ನು ಬದುಕಿಸಬಹುದು ಎಂಬ ಆಲೋಚನೆಯಿಂದ ಈ ಕೃತ್ಯ ಎಸಗಿದ್ದಾಳೆ ಎಂದು ತನಿಖೆ ವೇಳೆ ಬಯಲಾಗಿದೆ.
ಮಹಿಳೆಯು ಸಫ್ದರ್’ಜಂಗ್ ಆಸ್ಪತ್ರೆಯಲ್ಲಿ ತಾನು ಜಚ್ಚಾ-ಬಚ್ಚಾ ಆರೈಕೆಗಾಗಿ ಕೆಲಸ ಮಾಡುವ ಎನ್’ಜಿಒ ಸದಸ್ಯೆ ಎಂದು ಹೇಳಿಕೊಂಡು ಶಿಶುವಿನ ತಾಯಿಯನ್ನು ಭೇಟಿಯಾಗಿದ್ದಳು. ಬಳಿಕ ಶಿಶುವನ್ನು ಪರೀಕ್ಷೆ ಮಾಡುವ ನೆಪದಲ್ಲಿ ಅಪಹರಣ ಮಾಡಿದ್ದಾಳೆ ಎಂದು ಪೊಲೀಸರು ಹೇಳಿದ್ದಾರೆ.
ಶಿಶು ಸುರಕ್ಷಿತವಾಗಿದೆ ಎಂದು ಪೊಲೀಸರು ಮಾಹಿತಿ ನೀಡಿದ್ದಾರೆ.
