ನವದೆಹಲಿ: ಕಠಿಣ ತೆರಿಗೆ ನಿಯಮಗಳು ಮತ್ತು ಶಕ್ತಿಶಾಲಿ ಪಾಸ್ ಪೋರ್ಟ್ ಗಳನ್ನು ಹೊಂದುವ ಬಯಕೆಯಿಂದ 2022 ರಲ್ಲಿ ಸರಿಸುಮಾರು 8,000 ಕೋಟ್ಯಧೀಶರು ಭಾರತವನ್ನು ತೊರೆಯಲಿದ್ದಾರೆ ಎಂದು ವಿಶ್ವಾದ್ಯಂತ ವಲಸೆ ಪ್ರವರ್ತಿಗಳ ಮೇಲೆ ನಿಗಾಯಿರಿಸುವ ಹೆನ್ಲಿ ಗ್ಲೋಬಲ್ ಸಿಜಿಜನ್ಸ್ ಸಂಸ್ಥೆಯು ವರದಿ ಮಾಡಿದೆ.
2019 ರಿಂದ ಇದುವರೆಗೆ ಭಾರತ 7000 ಕ್ಕೂ ಅಧಿಕ ಮಿಲಿಯಾಧೀಶರನ್ನು ಕಳೆದುಕೊಂಡಿದ್ಸು ಕಳೆದ ಏಳು ವರ್ಷಗಳಲ್ಲಿ 8,81,254 ಜನರು ಭಾರತೀಯ ಪೌರತ್ವವನ್ನು ತ್ಯಜಿಸಿದ್ದಾರೆ ಎಂದು ಕಳೆದ ಡಿಸೆಂಬರಿನಲ್ಲಿ ಸಹಾಯಕ ಗೃಹಸಚಿವ ನಿತ್ಯಾನಂದ ರಾಯ್ ಸಂಸತ್ತಿನಲ್ಲಿ ತಿಳಿಸಿದ್ದರು. ಮತ್ತು ವಿದೇಶಾಂಗ ವ್ಯವಹಾರಗಳ ಸಚಿವಾಲಯದಲ್ಲಿ ಲಭ್ಯವಾದ ದತ್ತಾಂಶಗಳ ಪ್ರಕಾರ 1,33,83,718 ಭಾರತೀಯರು ಈಗ ವಿದೇಶದಲ್ಲಿ ವಾಸವಾಗಿದ್ದಾರೆ ಎಂದು ಹೇಳಿದ್ದಾರೆ.
ಜೀವನ ಮಟ್ಟದಲ್ಲಿ ಸುಧಾರಣೆ ಕಂಡುಕೊಳ್ಳಲು ಮತ್ತು ವಿದೇಶದ ಹಣಕಾಸು ಸೇವೆಗಳು, ಆರೋಗ್ಯ ರಕ್ಷಣೆ, ತಂತ್ರಜ್ಞಾನ ಕ್ಷೇತ್ರದ ಸದೃಢ ಬೆಳವಣಿಗೆಯೇ ಭಾರತೀಯರು ದೇಶದಿಂದ ವಲಸೆ ಹೋಗಲು ಮುಖ್ಯ ಕಾರಣ ಎಂದು ನ್ಯೂ ವರ್ಲ್ಡ್ ವೆಲ್ತ್ ನ ಸಂಶೋಧನಾ ಮುಖ್ಯಸ್ಥ ಆಂಡ್ರೂ ಅಮೋಲಿಸ್ ಹೇಳಿದ್ದಾರೆ
