ಬರ್ಲಿನ್: ಜರ್ಮನಿಯ ಫ್ರಾಂಕ್ಫರ್ಟ್ನಲ್ಲಿರುವ ಪಾಕಿಸ್ತಾನದ ಕಾನ್ಸುಲೇಟ್ ಕಚೇರಿಯ ಮೇಲೆ ಗುಂಪೊಂದು ದಾಳಿ ನಡೆಸಿದ್ದು, ಕಚೇರಿಯ ಕಟ್ಟಡದಲ್ಲಿದ್ದ ಪಾಕಿಸ್ತಾನದ ಧ್ವಜವನ್ನು ಕೆಳಗಿಳಿಸಿದ ಘಟನೆ ವರದಿಯಾಗಿದೆ.
ಅಫ್ಘಾನಿಸ್ತಾನದ ಧ್ವಜವನ್ನು ಬೀಸುತ್ತಿದ್ದ ಕೆಲವರು ಪಾಕಿಸ್ತಾನದ ಕಾನ್ಸುಲೇಟ್ಗೆ ಕಲ್ಲೆಸೆದು, ಬಳಿಕ ಕಟ್ಟಡದಲ್ಲಿದ್ದ ಪಾಕಿಸ್ತಾನದ ಧ್ವಜವನ್ನು ಕೆಳಗಿಳಿಸಿ, ಅಲ್ಲಿ ಅಫ್ಘಾನಿಸ್ತಾನದ ಧ್ವಜವನ್ನು ಇರಿಸಿದ್ದಾರೆ.
ಅಷ್ಟೇ ಅಲ್ಲದೆ, ಪಾಕಿಸ್ತಾನದ ಧ್ವಜವನ್ನು ಸುಡಲು ಗುಂಪು ಪ್ರಯತ್ನಿಸಿದೆ ಎಂದು ಮಾಧ್ಯಮಗಳು ವರದಿ ಮಾಡಿವೆ.
ಘಟನೆಯನ್ನು ಪಾಕಿಸ್ತಾನದ ವಿದೇಶಾಂಗ ಇಲಾಖೆ ಖಂಡಿಸಿದ್ದು, ದುಷ್ಕರ್ಮಿಗಳ ವಿರುದ್ಧ ಕ್ರಮ ಕೈಗೊಳ್ಳುವಂತೆ ಜರ್ಮನಿ ಸರಕಾರವನ್ನು ಆಗ್ರಹಿಸಿದೆ.
ಅಫ್ಘಾನಿಸ್ತಾನದ ಧ್ವಜವನ್ನು ಇರಿಸುವ ವೀಡಿಯೊ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿದೆ.
