ವಿದ್ಯಾನಗರ: ಪ್ರಸ್ತುತ ವರ್ಷದ ಮೋಂಟುಗೋಳಿ ರೇಂಜ್ ಮಟ್ಟದ ಪ್ರತಿಭಾ ಸಂಗಮವು ಬದ್ರಿಯಾ ಜುಮಾ ಮಸ್ಜಿದ್, ಬದ್ರಿಯಾ ನಗರದಲ್ಲಿ ಜರುಗಿತು.
ಅಲ್ ಮದ್ರಸತುಲ್ ಬದ್ರಿಯಾ ಮೊಂಟೆಪದವು 356 ಅಂಕಗಳೊಂದಿಗೆ ಚಾಂಪಿಯನ್ ಪಟ್ಟವನ್ನು ಅಲಂಕರಿಸಿತು.
ಗೌಸಿಯಾ ಮದ್ರಸ ಮೋಂಟುಗೋಳಿಯ ವಿದ್ಯಾರ್ಥಿಗಳು 312 ಅಂಕಗಳೊಂದಿಗೆ ದ್ವಿತೀಯ ಮತ್ತು 239 ಅಂಕಗಳೊಂದಿಗೆ ಮಹ್ದನುಲ್ ಉಲೂಮ್ ಮದ್ರಸಾ ಮರಿಕ್ಕಳ ತೃತೀಯ ಸ್ಥಾನಕ್ಕೆ ತೃಪ್ತಿಪಟ್ಟುಕೊಂಡಿತು.
ಕಾರ್ಯಕ್ರಮದಲ್ಲಿ ವಿವಿಧ ಪ್ರತಿಭೆಗಳು ಮನಮೋಹಕ ರಾಗಗಳಲ್ಲಿ ಹಾಡುಗಳು ಮತ್ತು ಭಾಷಣಗಳನ್ನು ಮಾಡಿ ಪ್ರೇಕ್ಷಕರ ಮನವನ್ನು ರಂಜಿಸಿದರು.
ಕಾರ್ಯಕ್ರಮಕ್ಕೂ ಮುನ್ನ ಮರಿಕ್ಕಳ ಜುಮಾ ಮಸ್ಜಿದ್ ವಠಾರದಲ್ಲಿರುವ ತಾಜುಲ್ ಫುಖಹಾಅ್ ಬೇಕಲ್ ಉಸ್ತಾದರ(ನ. ಮ) ಮಖ್ಬರ ಝಿಯಾರತ್ ಮಾಡಿದ ವಿವಿಧ ಮದ್ರಸದ ಮುಅಲ್ಲಿಮರು ಮತ್ತು ವಿದ್ಯಾರ್ಥಿಗಳು ವಿದ್ಯಾನಗರದಿಂದ ಪ್ರತಿಭಾ ಸಂಗಮ ನಡೆಯುವ ಬದ್ರಿಯಾ ಜುಮಾ ಮಸ್ಜಿದ್ ವಠಾರದವರೆಗೆ ಜಾಥಾ ಮೂಲಕ ಆಗಮಿಸಿದರು.
