ನವದೆಹಲಿ: ಶಿವಸೇನೆ ಸಂಸದ ಸಂಜಯ್ ರಾವುತ್ ಪಕ್ಷದ ವಿಭಜನೆಗೆ ಕಾರಣ ಎಂದು ಕೇಂದ್ರ ಸಾಮಾಜಿಕ ನ್ಯಾಯ ಮತ್ತು ಸಬಲೀಕರಣ ಖಾತೆ ರಾಜ್ಯ ಸಚಿವ ರಾಮದಾಸ್ ಅಠಾವಳೆ ಆರೋಪಿಸಿದ್ದಾರೆ ಮತ್ತು ರಾವುತ್ ಅವರ ಆಜ್ಞೆಯ ಮೇರೆಗೆ ಉದ್ಧವ್ ಠಾಕ್ರೆ ಎನ್ ಸಿಪಿ ಯೊಂದಿಗೆ ಮೈತ್ರಿ ಮಾಡಿಕೊಂಡಿದ್ದಾರೆ ಎಂದು ಹೇಳಿದ್ದಾರೆ.
ಸುದ್ದಿಗಾರರ ಜೊತೆ ಮಾತನಾಡಿದ ಅಠಾವಳೆ, ಶಿವಸೇನೆಯನ್ನು ಮುರಿದದ್ದು ಶರದ್ ಪವಾರ್ ಅಲ್ಲ, ಸಂಜಯ್ ರಾವುತ್. ಸಂಜಯ್ ರಾವುತ್ ಅವರ ಆದೇಶದ ಮೇರೆಗೆ ಉದ್ಧವ್ ಠಾಕ್ರೆ ರಾಷ್ಟ್ರೀಯವಾದಿ ಕಾಂಗ್ರೆಸ್ ಪಕ್ಷ (ಎನ್ ಸಿಪಿ) ದೊಂದಿಗೆ ಹೋಗಲು ನಿರ್ಧರಿಸಿದರು.
ಶಿವಸೇನೆ ಮತ್ತು ಎನ್ ಸಿಪಿ ಒಟ್ಟಿಗೆ ಬರದಿದ್ದರೆ ಭಾರತೀಯ ಜನತಾ ಪಕ್ಷ (ಬಿಜೆಪಿ) ಮತ್ತು ಶಿವಸೇನೆ ಸರ್ಕಾರಗಳು ಮಹಾರಾಷ್ಟ್ರಕ್ಕೆ ಬರುತ್ತಿದ್ದವು ಎಂದು ಕೇಂದ್ರ ಸಚಿವರು ಹೇಳಿದರು.
