ಗಾಝಾ ಕದನ ವಿರಾಮ ಮತ್ತು ಒತ್ತೆಯಾಳು ಬಿಡುಗಡೆ ಒಪ್ಪಂದಕ್ಕಾಗಿ ಸುದೀರ್ಘ ಮಾತುಕತೆಗಳ ಮಧ್ಯೆ ಇಸ್ರೇಲ್ ಮತ್ತು ಹಮಾಸ್ ನಡುವಿನ ಮಧ್ಯವರ್ತಿಯಾಗಿ ಕತಾರ್ ತನ್ನ ಪಾತ್ರವನ್ನು ಕೊನೆಗೊಳಿಸಲು ನಿರ್ಧರಿಸಿದೆ ಎಂದು ಈ ವಿಷಯದ ಬಗ್ಗೆ ತಿಳಿದಿರುವ ರಾಜತಾಂತ್ರಿಕರೊಬ್ಬರು ಶನಿವಾರದಂದು ಟೈಮ್ಸ್ ಆಫ್ ಇಸ್ರೇಲ್‌ಗೆ ತಿಳಿಸಿರುವ ಕುರಿತು ವರದಿಯಾಗಿದೆ.
ಕಳೆದ ತಿಂಗಳ ಕೊನೆಯಲ್ಲಿ ಹಮಾಸ್ ಅಧಿಕಾರಿಗಳಿಗೆ ದೇಶವನ್ನು ತೊರೆಯುವಂತೆ ಹೇಳಿದರು ಎಂದು ಯುಎಸ್ ಮೂಲಗಳು ಶುಕ್ರವಾರ ದೃಢಪಡಿಸಿತ್ತು. ಬಿಡೆನ್ ಆಡಳಿತದ ಮನವಿಗೆ ಸಂಬಂಧಿಸಿದಂತೆ ಈ ನಿರ್ಧಾರವನ್ನು ತೆಗೆದುಕೊಳ್ಳಲಾಗಿದೆ ಎಂಬುವುದನ್ನು ಕತಾರ್ ನಿರಾಕರಿಸಿದೆ.
ಕತಾರ್ ಮಧ್ಯಸ್ಥಿಕೆ ಪ್ರಯತ್ನಗಳನ್ನು ನಿಲ್ಲಿಸುವ ತನ್ನ ನಿರ್ಧಾರವನ್ನು ಅಧಿಕೃತವಾಗಿ ದೃಢಪಡಿಸಿತು. ಆದರೆ ಎರಡೂ ಪಕ್ಷಗಳು ಮರು- ತೊಡಗಿಸಿಕೊಳ್ಳಲು ಇಚ್ಛೆಯನ್ನು ಪ್ರದರ್ಶಿಸಿದರೆ ನಿರ್ಧಾರವನ್ನು ಹಿಂಪಡೆಯಬಹುದೆಂದು ತಿಳಿಸಿದೆ. ವಿದೇಶಾಂಗ ಸಚಿವಾಲಯವು ವಿಷಯದ ಕುರಿತು ಪ್ರತಿಕ್ರಿಯಿಸಿ ದೋಹಾದಲ್ಲಿ ಹಮಾಸ್ ಕಚೇರಿಯನ್ನು ಮುಚ್ಚುವ ಕತಾರ್‌ನ ನಿರ್ಧಾರದ ಬಗ್ಗೆ “ಕರಾರುವಾಕ್ಕಿಲ್ಲ” ಎಂದು ಹೇಳಿಕೊಂಡಿದೆ.
