ಹೈದರಾಬಾದ್‌: TRS ಪಕ್ಷದ ಶಾಸಕರನ್ನು ಸೆಳೆಯಲು ಬಿಜೆಪಿ ನಡೆಸಿದ ಆಪರೇಷನ್ ಕಮಲ ಸಂಬಂಧ ಪುತ್ತೂರು ಸೇರಿದಂತೆ ದೇಶದ ವಿವಿಧೆಡೆ ತೆಲಂಗಾಣ ಪೊಲೀಸರು ದಾಳಿ ನಡೆಸಿರುವ ಬಗ್ಗೆ ವರದಿಯಾಗಿದೆ.
ಫರೀದಾಬಾದ್‌ ಮೂಲದ ರಾಮಚಂದ್ರ ಭಾರತಿ, ಹೈದರಾಬಾದ ಉದ್ಯಮಿ ನಂದಕುಮಾರ್‌ ಹಾಗೂ ತಿರುಪತಿಯ ಸಿಂಹಯ್ಯಾಜಿ ಸ್ವಾಮಿ ತಮಗೆ 250 ಕೋಟಿ ರೂ. ಆಮಿಷ ನೀಡಿದ್ದಾರೆ ಎಂದು 3 ಟಿಆರ್‌ಎಸ್‌ ಶಾಸಕರು ಇತ್ತೀಚೆಗೆ ದೂರು ನೀಡಿದ್ದ ಹಿನ್ನೆಲೆಯಲ್ಲಿ ಈ ದಾಳಿ ನಡೆದಿದೆ ಎನ್ನಲಾಗಿದೆ.
ಧರ್ಮ ಪ್ರಚಾರಕರಾದ ರಾಮಚಂದ್ರ ಭಾರತಿಗೆ ಪುತ್ತೂರಿನಲ್ಲೂ ಮನೆ ಇರುವುದರಿಂದ ತೆಲಂಗಾಣದ ವಿಶೇಷ ತನಿಖಾ ತಂಡದ ಪೊಲೀಸರು ತಪಾಸಣೆ ನಡೆಸಿದ್ದಾರೆ.
