ಬೆಂಗಳೂರು: ಕರ್ನಾಟಕದ ರಸ್ತೆಗಳಲ್ಲಿನ ಗುಂಡಿಗಳು ವಾಸ್ತವವಾಗಿ ಬಿಜೆಪಿಯ ಯುಪಿ ಮಾದರಿಯ ಅಭಿವೃದ್ಧಿಯ ಭಾಗವಾಗಿದೆ ಎಂಬುವುದು ಇನ್ನೂ ಜನರಿಗೆ ಅರ್ಥವಾಗಿಲ್ಲ ಎಂದು ಕಾಂಗ್ರೆಸ್ ನಾಯಕ ಡಿ.ಕೆ.ಶಿವಕುಮಾರ್ ಟೀಕಿಸಿದ್ದಾರೆ.
ಈ ಕುರಿತು ಉತ್ತರಪ್ರದೇಶದಲ್ಲಿನ ರಸ್ತೆ ಗುಂಡಿಯ ವೀಡಿಯೋವನ್ನು ಟ್ಯಾಗ್ ಮಾಡಿ ಟ್ವೀಟ್ ಮಾಡಿರುವ ಅವರು, ಕರ್ನಾಟಕದಾದ್ಯಂತದ ರಸ್ತೆಗಳಲ್ಲಿನ ಗುಂಡಿಗಳು ವಾಸ್ತವವಾಗಿ ಬಿಜೆಪಿಯ ಯುಪಿ ಮಾದರಿಯ ಅಭಿವೃದ್ಧಿಯ ಭಾಗವಾಗಿದೆ ಎಂದು ಇನ್ನೂ ಜನರಿಗೆ ಅರ್ಥವಾಗಿಲ್ಲ. ಕರ್ನಾಟಕವನ್ನು ಉತ್ತರ ಪ್ರದೇಶವಾಗಿ ಪರಿವರ್ತಿಸುವುದಾಗಿ ಸ್ವತಃ ಇಲ್ಲಿನ ಆಡಳಿತಾಧಿಕಾರಿಗಳೇ ಹೇಳುತ್ತಿದ್ದಾರೆ. ಅದನ್ನು ನೀವು ಈ ಗುಂಡಿಗಳನ್ನು ನೋಡಿ ಅರ್ಥೈಸಬಹುದು ಎಂದು ಕುಟುಕಿದ್ದಾರೆ.
