ಫಿರೋಜಾಬಾದ್: ಫಿರೋಜಾಬಾದ್ ಜಿಲ್ಲೆಗೆ ನಿಯೋಜಿತರಾದ ಯುಪಿಯ ಕಾನ್ಸ್ ಟೇಬಲ್ ಮನೋಜ್ ಕುಮಾರ್ ಎಂಬವರು ಕೈಯ್ಯಲ್ಲಿ ಆಹಾರದ ತಟ್ಟೆ ಹಿಡಿದು ಫಿರೋಜಾಬಾದ್ ಪೊಲೀಸ್ ಲೈನ್ಸ್ ಮುಂಭಾಗದ ಹೆದ್ದಾರಿಯಲ್ಲಿ ಬುಧವಾರ ಪ್ರತಿಭಟಿಸಿದ್ದಾರೆ.
ಆಹಾರದ ಗುಣಮಟ್ಟವನ್ನು ಪ್ರಶ್ನಿಸಿ ಅಳುತ್ತಾ, ಪೊಲೀಸ್ ಲೈನ್ ಮೆಸ್ ನಲ್ಲಿ ಪೊಲೀಸರಿಗೆ ಗಲೀಜು ಆಹಾರವನ್ನು ಪೂರೈಸಲಾಗುತ್ತಿದೆ. ಎರಡು ದಿನಗಳಿಂದ ಹಸಿವಿನಿಂದ ಬಳಲುತ್ತಿದ್ದರೂ ಯಾವುದೇ ಅಧಿಕಾರಿ ಗಮನ ಹರಿಸುತ್ತಿಲ್ಲ ಎಂದು ಆರೋಪಿಸಿ ರಸ್ತೆಯಲ್ಲಿ ತಟ್ಟೆಯಲ್ಲಿ ರೊಟ್ಟಿ ಹಿಡಿದು ಮನೋಜ್ ಪ್ರತಿಭಟಿಸುತ್ತಿದ್ದರು.
ಇದೀಗ ಈ ವೀಡಿಯೋ ವೈರಲ್ ಆಗಿದೆ
ವಿಷಯ ತಿಳಿದ ಇನ್ಸ್ಪೆಕ್ಟರ್ ಆದೇಶದ ಮೇರೆಗೆ, ಕಾನ್ಸ್ಟೇಬಲ್ ಅನ್ನು ತಕ್ಷಣವೇ ಬಲಪ್ರಯೋಗದ ಮೂಲಕ ಪೊಲೀಸ್ ಲೈನ್ ಗೆ ಕರೆತರಲಾಯಿತು ಎನ್ನಲಾಗಿದೆ. ಮತ್ತು ಈ ಪ್ರಕರಣದ ವಿಚಾರಣೆ ನಡೆಸಲು ಎಸ್ಎಸ್ಪಿ, ಸಿಒ ಲೈನ್ ಹೀರಾಲಾಲ್ ಕನೋಜಿಯಾ ಅವರಿಗೆ ಆದೇಶ ನೀಡಿದ್ದಾರೆ.
