ಚೆನ್ನೈ: ಡಾಲರ್ ಎದುರು ರೂಪಾಯಿ ಮೌಲ್ಯ ನಿರಂತರವಾಗಿ ಕುಸಿತ ಕಾಣುತ್ತಿದೆ. ಈ ಕುರಿತು ಅಸಮಾಧಾನ ವ್ಯಕ್ತಪಡಿಸಿರುವ ಬಹುಭಾಷ ನಟ ಪ್ರಕಾಶ್ ರೈ “ಒಂದು ಕಾಲದಲ್ಲಿ… ನನ್ನ ದೇಶದಲ್ಲಿ..” ಎನ್ನುವ ಟ್ವೀಟ್ ಮೂಲಕ ಬಿಜೆಪಿಗೆ ತಿರುಗೇಟು ನೀಡಿದ್ದಾರೆ.
“ಒಂದು ಕಾಲದಲ್ಲಿ… ನನ್ನ ದೇಶದಲ್ಲಿ.. #justasking” ಎಂದು ಟ್ವೀಟ್ ಮಾಡಿರುವ ಅವರು, ಮನಮೋಹನ್ ಸಿಂಗ್ ಪ್ರಧಾನಿಯಾಗಿದ್ದ ಅವಧಿಯಲ್ಲಿ ಡಾಲರ್ ಎದುರು ರೂಪಾಯಿ ಕುಸಿತ ಕಂಡಾಗ ಸರ್ಕಾರವನ್ನು ಪ್ರಶ್ನಿಸಿ 2012-2013 ರಲ್ಲಿ ಅಮಿತಾಬ್ ಬಚ್ಚನ್, ಶಿಲ್ಪಾ ಶೆಟ್ಟಿ ಕುಂದ್ರಾ , ಅನುಪಮ ಕೇರ್, ವಿವೇಕ್ ಅಗ್ನಿಹೋತ್ರಿ , ಜೂಹಿ ಚವ್ಲಾ ಮುಂತಾದ ಸೆಲೆಬ್ರಿಟಿಗಳು ಮಾಡಿದ ಟ್ವೀಟ್ ಲಗತ್ತಿಸಿ ತಮ್ಮ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.
