ನವದೆಹಲಿ: ಬುಧವಾರ ಭಾರತದ ಮುಖ್ಯ ನ್ಯಾಯಮೂರ್ತಿ ಚಂದ್ರಚೂಡ್ ಅವರ ನವದೆಹಲಿಯ ಮನೆಯಲ್ಲಿ ನಡೆದ ಪೂಜೆಯಲ್ಲಿ ಪ್ರಧಾನಿ ನರೇಂದ್ರ ಮೋದಿ ಹಾಜರಾಗಿ ಮುಖ್ಯ ನ್ಯಾಯಮೂರ್ತಿ ಮತ್ತು ಅವರ ಪತ್ನಿ ಕಲ್ಪನಾ ದಾಸ್ ಜೊತೆ ಗಣಪತಿಗೆ ಪ್ರಾರ್ಥನೆ ಸಲ್ಲಿಸಿದ್ದಾರೆ.
ಮನೆಗೆ ಆಗಮಿಸಿದ ಪ್ರಧಾನಿ ಮೋದಿಯವರನ್ನು ಚಂದ್ರಚೂಡ್ ಹಾಗೂ ಪತ್ನಿ ಸ್ವಾಗತಿಸಿದ್ದು, ಬಳಿಕ ಮೋದಿ ಗಣಪತಿಗೆ ಆರತಿ ಬೆಳಗುವ ವೀಡಿಯೊ ಸಾಕಷ್ಟು ಸಾಮಾಜಿಕ ಮಾಧ್ಯಮಗಳಲ್ಲಿ ಹಂಚಿಕೆಯಾಗಿದೆ.
ಇದಕ್ಕೂ ಮುನ್ನ ಗಣೇಶ ಚತುರ್ಥಿ ಪ್ರಯುಕ್ತ ಮೋದಿ ದೇಶದ ಜನತೆಗೆ ಶುಭಾಶಯ ಕೋರಿ ಗಣಪತಿ ಶ್ಲೋಕಗಳನ್ನ ಪಟಿಸುವ ಆಡಿಯೋವನ್ನೊಂದನ್ನು ಟ್ವೀಟ್ ಮಾಡಿದ್ದರು.
