ಮುಸ್ಲಿಂ ವಿರೋಧಿ ಅಭ್ಯರ್ಥಿ ಲಾರಾ ಲೂಮರ್ ಗೆ ಹೀನಾಯ ಸೋಲು

ವಾಷಿಂಗ್ಟನ್ : ಅಮೆರಿಕ ಅಧ್ಯಕ್ಷೀಯ ಚುನಾವಣೆಯಲ್ಲಿ ಸ್ಪರ್ಧಿಸಿದ್ದ ಮುಸ್ಲಿಂ ವಿರೋಧಿ ಅಭ್ಯರ್ಥಿ ಲಾರಾ ಲೂಮರ್ ಚುನಾವಣೆಯಲ್ಲಿ ಹೀನಾಯ ಸೋಲು ಕಂಡಿದ್ದಾರೆ. ತಮ್ಮ ಪ್ರತಿಸ್ಪರ್ಧಿ ಡೆಮಾಕ್ರಟಿಕ್ ಅಭ್ಯರ್ಥಿ ರೆಪ್. ಲೂಯಿಸ್ ಫ್ರಾಂಕೆಲ್ ಮುಂದೆ ರಿಪಬ್ಲಿಕನ್ ಅಭ್ಯರ್ಥಿ ಲಾರಾ ಗೆಲ್ಲಲು ವಿಫಲರಾಗಿದ್ದಾರೆ.

ಎರಡನೇ ಬಾರಿಗೆ ಆಯ್ಕೆಯಾಗಿರುವ ಇಲ್ಹಾನ್ ಒಮರ್ ಕುರಿತು ಇಸ್ಲಾಮ್ ವಿರೋಧಿ ಹೇಳಿಕೆಗಳಿಗಾಗಿ ಫೇಸ್ ಬುಕ್ ಮತ್ತು ಟ್ವಿಟರ್ ನಿಂದ ನಿಷೇಧಕ್ಕೆ ಗುರಿಯಾಗಿದ್ದ ಲೂಮರ್, ವಿವಾದಾತ್ಮಕ ಹೇಳಿಕೆಗಳಿಗಾಗಿಯೇ ಸುದ್ದಿಯಾಗುತ್ತಿದ್ದವರು.

ಫ್ಲೋರಿಡಾದ 21ನೇ ಸಂಸದೀಯ ಜಿಲ್ಲೆಯಲ್ಲಿ ಅವರು ಸ್ಪರ್ಧಿಸಿದ್ದರು. ಲೂಯಿಸ್ ಫ್ರಾಂಕೆಲ್ ಶೇ. 59 ಮತಗಳನ್ನು ಪಡೆದರೆ, ಲಾರಾ ಲೂಮರ್ ಶೇ. 39.2 ಮತಗಳನ್ನು ಪಡೆಯುವಲ್ಲಿ ಮಾತ್ರ ಯಶಸ್ವಿಯಾಗಿದ್ದಾರೆ.