ಕೊಚ್ಚಿ: ಭಾನುವಾರ ಕೇರಳದಲ್ಲಿ ನಡೆದ ಕ್ರಿಶ್ಚಿಯನ್ ಪ್ರಾರ್ಥನಾ ಸಭೆಯಲ್ಲಿ ಸ್ಫೋಟವನ್ನು ಒಪ್ಪಿಕೊಂಡ ಡೊಮಿನಿಕ್ ಮಾರ್ಟಿನ್ ಬಗ್ಗೆ ತಿಳಿಯುತ್ತಾ ಹೋದಂತೆ ಪೊಲೀಸರಿಗೆ ಆತನ ಹಿಂದೆ ದೊಡ್ಡ ಜಾಲ ಇರಲೂಬಹುದೆಂಬ ಅನುಮಾನ ಮೂಡಿದೆ. ಆತ ಗಲ್ಫ್ ನಲ್ಲಿ ಉತ್ತಮ ಸಂಬಳದ ಕೆಲಸವನ್ನು ತ್ಯಜಿಸಿ ಬಂದಿದ್ದ. ಇದು ಅವರ ಉದ್ದೇಶಗಳ ಬಗ್ಗೆ ಅನುಮಾನಗಳನ್ನು ಪೊಲೀಸರಿಗೆ ಹುಟ್ಟುಹಾಕಿದೆ. ಆತನಿಗೆ ಬೇರೆ ಹಣಕಾಸಿನ ನೆರವು ಸಿಗುತ್ತಿದೆಯಾ ಎಂಬ ಅನುಮಾನವನ್ನು ಸೃಷ್ಟಿಸಿದೆ.
ಸ್ಫೋಟದ ಸ್ವಲ್ಪ ಸಮಯದ ನಂತರ ಸ್ವತಃ ಶರಣಾದ ನಂತರ ಮಾರ್ಟಿನ್ ನನ್ನು ಸೋಮವಾರ ಅಧಿಕೃತವಾಗಿ ಬಂಧಿಸಲಾಗಿದೆ. ಮಂಗಳವಾರ, ವಿಶೇಷ ತನಿಖಾ ತಂಡವು ಆತನನ್ನು ಅಲುವಾ ಬಳಿಯ ಅಥಣಿಯಲ್ಲಿರುವ ಅವರ ಮನೆಗೆ ಕರೆದೊಯ್ದಿದೆ. ಅಲ್ಲಿ ಆತ ಬಾಂಬ್ಗಳನ್ನು ತಯಾರಿಸಿದ್ದಾನೆ ಎಂದು ಸಂಶಯಿಸಲಾಗಿದೆ.
ಮೂವರನ್ನು ಕೊಂದು 50 ಕ್ಕೂ ಹೆಚ್ಚು ಜನರನ್ನು ಗಾಯಗೊಳಿಸಿದ ಸ್ಫೋಟಗಳಲ್ಲಿ ಬಳಸಿದ ವಸ್ತುಗಳಿಂದ ತಾನು ಬಾಂಬ್ ಗಳನ್ನು ಹೇಗೆ ತಯಾರಿಸಿದೆ ಎಂದು ಮಾರ್ಟಿನ್ ವಿವರಿಸಿದ್ದಾನೆ. ಆತ ಶರಣಾಗುವಾಗ ಸಾಮಾಗ್ರಿಗಳ ಬಿಲ್ ಗಳನ್ನು ಪೊಲೀಸರಿಗೆ ತೋರಿಸಿದ್ದು, ಆತನ ವಿರುದ್ಧ ಪ್ರಕರಣ ತೀವ್ರಗೊಂಡಿದೆ ಎಂದು ಹಿರಿಯ ಪೊಲೀಸ್ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ. ಬಾಂಬ್ ತಯಾರಿಕೆಗೆ ಸಂಬಂಧಿಸಿದ ಪೆಟ್ರೋಲ್ ಬಿಲ್ ಗಳನ್ನು ಸಹ ಅವನು ತೋರಿಸಿದ್ದಾನೆ.
ಮಾರ್ಟಿನ್ ಬುದ್ಧಿವಂತಿಕೆ ಮತ್ತು ಕಠಿಣ ಪರಿಶ್ರಮದ ವ್ಯಕ್ತಿಯಾಗಿದ್ದು, ಇಂತಹ ಭಯೋತ್ಪಾದಕ ಕೃತ್ಯಕ್ಕಾಗಿ ತನ್ನ ಲಾಭದಾಯಕ ಸಾಗರೋತ್ತರ ಉದ್ಯೋಗವನ್ನು ತೊರೆಯುವ ಅವನ ನಿರ್ಧಾರದ ಹಿಂದಿರುವ ಜಾಲದ ಬಗ್ಗೆ ಪೊಲೀಸರು ಗೊಂದಲಕ್ಕೊಳಗಾಗಿದ್ದಾರೆ.
