ಕಾವೂರು: ಬಿಜಿಎಸ್ ಪ್ರೌಢಶಾಲೆ ಬಳಿ ಸುರಿದ ಭಾರೀ ಮಳೆಯಿಂದ ಮರಬಿದ್ದು ಸಂಪೂರ್ಣ ಹಾನಿಗೀಡಾಗಿದ್ದ ಸದಾನಂದ ಅವರ ಮನೆಗೆ ಕೆಪಿಸಿಸಿ ಪ್ರಧಾನ ಕಾರ್ಯದರ್ಶಿ ಇನಾಯತ್ ಅಲಿ ಸೋಮವಾರ ರಾತ್ರಿ ಭೇಟಿ ನೀಡಿದರು.
ಘಟನೆಯಿಂದ ಗಾಯಗೊಂಡಿದ್ದ ಸದಾನಂದ, ಅವರ ಪತ್ನಿ ರತ್ನಾ ಮತ್ತು ಪುತ್ರಿಯ ಆರೋಗ್ಯ ವಿಚಾರಿಸಿ ದೈರ್ಯ ತುಂಬಿದರು.
ಸಂತ್ರಸ್ತ ಸದಾನಂದ ಅವರ ಕುಟುಂಬಕ್ಕೆ ಸೂಕ್ತ ಪರಿಹಾರವನ್ನು ಒದಗಿಸಲು ನೆರವಾಗುವ ಭರವಸೆಯನ್ನು ಈ ಸಂದರ್ಭ ಇನಾಯತ್ ಅಲಿ ನೀಡಿದರು.
