ಹೊಸದಿಲ್ಲಿ:ದೇಶ ವಿಭಜನೆಯ ನಂತರ ಕಾಶ್ಮೀರವನ್ನು ಭಾರತದಲ್ಲಿ ವಿಲೀನಗೊಳಿಸುವಲ್ಲಿ ಪ್ರಧಾನ ಪಾತ್ರವಹಿಸಿದ್ದ ಶೇಕ್ ಮುಹಮ್ಮದ್ ಅಬ್ದುಲ್ಲಾ ಅವರ ಚಿತ್ರವನ್ನು ಶೌರ್ಯ ಹಾಗೂ ಉತ್ಕೃಷ್ಟ ಸೇವೆಗಾಗಿ ನೀಡಲಾಗುವ ಜಮ್ಮು-ಕಾಶ್ಮೀರದ ಪೊಲೀಸ್ ಪದಕದಿಂದ ಕೈಬಿಡಲಾಗಿದೆ ಎಂದು ವರದಿಗಳು ತಿಳಿಸಿವೆ.
ಇನ್ನು ಮುಂದೆ ಶೇಖ್ ಅಬ್ದುಲ್ಲಾರ ಚಿತ್ರದ ಬದಲು ರಾಷ್ಟ್ರೀಯ ಲಾಂಛನ ಮುದ್ರಿಸಲು ಜಮ್ಮು-ಕಾಶ್ಮೀರ ಸರ್ಕಾರ ನಿರ್ಧರಿಸಿದೆ. ಪದಕದಲ್ಲಿ ಬಳಸುತ್ತಿದ್ದ ಶೇಖ್ ಅವರ ಪರ್ಯಾಯ ಹೆಸರು “ ಶೇರ್-ಎ- ಕಾಶ್ಮೀರ್” ಎಂಬ ಹೆಸರನ್ನು ಬದಲಿಸಿ ಕಾಸ್ಮೀರ ಪೊಲೀಸ್ ಪದಕ ಎಂದು ಮರುನಾಮಕರಣ ಮಾಡಲಾಗಿದೆ.
ಸರ್ಕಾರದ ಈ ನಡೆಯನ್ನು ಪ್ರಾದೇಶಿಕ ಪಕ್ಷಗಳಾದ ನ್ಯಾಶನಲ್ ಕಾನ್ಫರೆನ್ಸ್ ಹಾಗೂ ಪಿಡಿಪಿ ತೀವ್ರವಾಗಿ ಖಂಡಿಸಿವೆ.
