ಕೀವ್: ಉಕ್ರೇನ್ ಅಧ್ಯಕ್ಷ ವೊಲೊದಿಮಿರ್ ಜೆಲೆನಿಸ್ಕಿಯವರು ಕೀವ್ ನಲ್ಲಿರುವ ಭಾರತ, ಜರ್ಮನಿ ಸೇರಿದಂತೆ ಹಲವು ದೇಶಗಳ ರಾಯಭಾರಿಗಳ ಕಚೇರಿಗಳನ್ನು ತಾತ್ಕಾಲಿಕವಾಗಿ ರದ್ದು ಗೊಳಿಸಿದ್ದಾರೆ. ಅವರಿಗಿದ್ದ ವಿಶೇಷ ಅಧಿಕಾರಗಳು, ಸವಲತ್ತುಗಳು ಇನ್ನಿಲ್ಲ ಎಂದೂ ಹೇಳಿದ್ದಾರೆ.
ವಿಶ್ವಸಂಸ್ಥೆಯ ಭದ್ರತಾ ಮಂಡಳಿಯ ಸಭೆಯಲ್ಲಿ ನೇರವಾಗಿ ಉಕ್ರೇನ್ ಪರ ನಿಲ್ಲದವರ ವಿರುದ್ಧ ಉಕ್ರೇನಿಗರಿಗೆ ಆಕ್ರೋಶ ಇದೆ. ಅಧ್ಯಕ್ಷನಾಗಿ ನಾನು ಜನರ ಭಾವನೆಗೆ ಸ್ಪಂದಿಸಬೇಕಾಗಿದ್ದು ಈ ಕ್ರಮ ಕೈಗೊಂಡಿರುವುದಾಗಿ ಜೆಲೆನೆಸ್ಕಿ ಹೇಳಿದರು ಎಂದು ವರದಿಯಾಗಿದೆ.
ಮುಖ್ಯವಾಗಿ ಭಾರತ, ಜರ್ಮನಿ, ನಾರ್ವೆ, ಹಾಲೆಂಡ್, ಜೆಕ್ ರಿಪಬ್ಲಿಕ್ ರಾಯಭಾರಿಗಳನ್ನು ಉಕ್ರೇನ್ ಕಿತ್ತೊಗೆದಿರುವುದಾಗಿ ವರದಿಯಾಗಿದೆ.
