ಮುಂಬೈ: ಪಾಕಿಸ್ತಾನ ಬೇಹುಗಾರಿಕಾ ಸಂಸ್ಥೆ ಇಂಟರ್ ಸರ್ವಿಸ್ ಇಂಟಲಿಜೆನ್ಸ್ (ಐ.ಎಸ್.ಐ)ಗೆ ಯುದ್ಧ ವಿಮಾನಗಳ ಕುರಿತು ರಹಸ್ಯ ಮಾಹಿತಿಗಳನ್ನು ರವಾನಿಸಿದ್ದಕ್ಕಾಗಿ ಹಿಂದುಸ್ಥಾನ್ ಏರೋನ್ಯಾಟಿಕ್ ಲಿಮಿಟೆಡ್ (ಎಚ್.ಎ.ಎಲ್) ನ ಸಿಬ್ಬಂದಿಯೋರ್ವನನ್ನು ಮಹಾರಾಷ್ಟ್ರ ಎ.ಟಿ.ಎಸ್ ಬಂಧಿಸಿದೆ.
ಆರೋಪಿಯನ್ನು ನಾಶಿಕ್ ಜಿಲ್ಲೆಯಲ್ಲಿರುವ ಎಚ್.ಎ.ಎಲ್ ನಲ್ಲಿ ಕೆಲಸ ಮಾಡುತ್ತಿದ್ದ ದೀಪಕ್ ಶ್ರೀಸತ್ ಎಂದು ಗುರುತಿಸಲಾಗಿದೆ.
ವಿಮಾನ ಮತ್ತು ಅದರ ರಹಸ್ಯ ವಿವರಗಳನ್ನು ಆರೋಪಿ ರವಾನಿಸುತ್ತಿದ್ದ ಎಂದು ಎ.ಟಿ.ಎಸ್. ಹೇಳಿದೆ. ಆರೋಪಿಯ ವಿರುದ್ಧ ಅಧಿಕೃತ ರಹಸ್ಯ ಕಾಯ್ದೆ 1923 ರ 3,4 ಮತ್ತು 5 ವಿಧಿಗಳಡಿ ಪ್ರಕರಣ ದಾಖಲಿಸಲಾಗಿದೆ. ಐದು ಸಿಮ್ ಗಳಿರುವ ಮೂರು ಮೊಬೈಲ್ ಫೋನ್ ಮತ್ತು ಎರಡು ಮೆಮೊರಿ ಕಾರ್ಡ್ ಗಳನ್ನು ವಶಪಡಿಸಿಕೊಳ್ಳಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
