ಪ್ಯಾರಿಸ್: ಫ್ರೆಂಚ್ ಐಷಾರಾಮಿ ಬ್ರ್ಯಾಂಡ್ ‘ಚಾನೆಲ್’ನ ಮುಖ್ಯಸ್ಥರಾಗಿ ಭಾರತೀಯ ಮೂಲದ ಲೀನಾ ನಾಯರ್ ನೇಮಕವಾಗಿದ್ದಾರೆ. ಸದ್ಯ ಯುನಿಲಿವರ್’ನ ಮಾನವ ಸಂಪನ್ಮೂಲ ವಿಭಾಗದ ಮುಖ್ಯಸ್ಥೆಯಾಗಿರುವ ಲೀನಾ ನಾಯರ್ ಅವಧಿ ಜನವರಿಯಲ್ಲಿ ಮುಕ್ತಾಯವಾಗಲಿದ್ದು, ಆ ಬಳಿಕ ಲೀನಾ, ಚಾನೆಲ್ ಸಂಸ್ಥೆಯ ಸಿಇಒ ಆಗಿ ಅಧಿಕಾರ ಸ್ವೀಕರಿಸಲಿದ್ದಾರೆ.
ಜಮ್’ಶೆಡ್’ಪುರ ಮೂಲದ ಲೀನಾ ನಾಯರ್ ಬ್ರಿಟಿಷ್ ಪ್ರಜೆಯಾಗಿದ್ದಾರೆ. ಕಳೆದ 30 ವರ್ಷಗಳಿಂದ ಹಿಂದೂಸ್ತಾನ್ ಯುನಿಲಿವರ್ ಸಂಸ್ಥೆಯಲ್ಲಿರುವ ಲೀನಾ, ಮ್ಯಾನೇಜ್’ಮೆಂಟ್ ಟ್ರೈನಿಯಾಗಿ ವೃತ್ತಿಜೀವನವನ್ನು ಪ್ರಾರಂಭಿಸಿದ್ದರು.
ವಿಶ್ವದ ಅತಿದೊಡ್ಡ ಐಷಾರಾಮಿ ಸರಕುಗಳ ಸಮೂಹದಲ್ಲಿ ಒಂದಾಗಿರುವ ‘ಚಾನೆಲ್’ ಫ್ರಾನ್ಸ್ನ ಪ್ರತಿಷ್ಠಿತ ಫ್ಯಾಷನ್ ಸಂಸ್ಥೆಯಾಗಿದೆ. ಫ್ರೆಂಚ್ ಬಿಲಿಯನೇರ್ ಆಗಿರುವ 73 ವರ್ಷದ ಅಲೈನ್ ವರ್ತೈಮರ್ ತಮ್ಮ ಸಹೋದರ ಗೆರಾರ್ಡ್ ವರ್ತೈಮರ್ ಜೊತೆಗೂಡಿ ಚಾನೆಲ್ ಸಂಸ್ಥೆಯನ್ನು ಸ್ಥಾಪಿಸಿದ್ದರು. 52 ವರ್ಷ ವಯಸ್ಸಿನ ಅಮೆರಿಕದ ಉದ್ಯಮಿ ಮೌರೀನ್ ಚಿಕ್ವೆಟ್ 9 ವರ್ಷಗಳ ಕಾಲ ‘ಚಾನೆಲ್’ನ CEO ಆಗಿದ್ದರು. ಮೌರಿನ್ ಸ್ಥಾನ ತುಂಬಲಿರುವ ಲೀನಾ ನಾಯರ್, ಈ ಹಿಂದೆ ಬ್ರಿಟಿಷ್ ಸರ್ಕಾರದ ವ್ಯವಹಾರ, ಇಂಧನ ಮತ್ತು ಕೈಗಾರಿಕಾ ಕಾರ್ಯತಂತ್ರ ವಿಭಾಗದ ಕಾರ್ಯನಿರ್ವಾಹಕೇತರ ನಿರ್ದೇಶಕರಾಗಿ ಸೇವೆ ಸಲ್ಲಿಸಿದ್ದರು.
