ಕಲಬುರಗಿ: ಮುಂದಿನ 402 ಪಿಎಸ್ ಐ ಹುದ್ದೆಗಳೂ ಬುಕ್ ಆಗಿದ್ದು, ಬಿಜೆಪಿ ತನಗೆ ಬೇಕಾದವರನ್ನೇ ನೇಮಕ ಮಾಡಿಕೊಳ್ಳುತ್ತಿದೆ ಎಂದು ಮಾಜಿ ಸಚಿವ, ಕಾಂಗ್ರೆಸ್ ಶಾಸಕ ಪ್ರಿಯಾಂಕ್ ಖರ್ಗೆ ಗಂಭೀರ ಆರೋಪ ಮಾಡಿದ್ದಾರೆ.
ಪಿಎಸ್ ಐ ಅಕ್ರಮ ನೇಮಕಾತಿಗೆ ಸಂಬಂಧಿಸಿ ಶಾಸಕ ಪ್ರಿಯಾಂಕ್ ಖರ್ಗೆ ಇಬ್ಬರು ಆರೋಪಿಗಳ ಸಂಭಾಷಣೆಯ ಆಡಿಯೋವೊಂದನ್ನು ಬಿಡುಗಡೆ ಮಾಡಿದ್ದಾರೆ.
ಈ ಕುರಿತು ಮಾತನಾಡಿರುವ ಪ್ರಿಯಾಂಕ್ ಖರ್ಗೆ , ಇದರಲ್ಲಿ ಒಬ್ಬ ಪಿಎಸ್ ಐ ಆಗಿ ಆಯ್ಕೆಯಾದ ವ್ಯಕ್ತಿ. ಇನ್ನೊಬ್ಬ ಮಧ್ಯವರ್ತಿಯಾಗಿದ್ದಾನೆ. 545 ಹುದ್ದೆ ಮಾತ್ರವಲ್ಲ ಮುಂದಿನ 402 ಹುದ್ದೆಗಳು ಬುಕ್ ಆಗಿವೆ. ಇಲಾಖೆಯಲ್ಲಿ ಭಾರಿ ಭ್ರಷ್ಟಾಚಾರ ನಡೆಯುತ್ತಿದೆ ಇದೀಗ ಎಲ್ಲಾ ಅಕ್ರಮ ಬಯಲಾಗುತ್ತಿದೆ ಎಂದು ಆಕ್ರೋಶ ವ್ಯಕ್ತಪಡಿಸಿದರು.
ಪ್ರಕರಣದಲ್ಲಿ ಎಡಿಜಿಪಿ ಹೆಸರು ಕೂಡ ಕೇಳಿ ಬರುತ್ತಿದೆ. ಎಬಿವಿಪಿ ಕಾರ್ಯಕರ್ತ ಅರುಣ್ ಕುಮಾರ್, ಶ್ರೀರಾಮಸೇನೆ ಕಾರ್ಯಕರ್ತ ಚೇತನ್ ನಂದಗಾಂಬ್, ಬಿಜೆಪಿ ಕಾರ್ಯಕರ್ತ ಪ್ರವೀಣ್ ಇವರನ್ನೆಲ್ಲಾ ಪಿಎಸ್ ಐ ಹುದ್ದೆಗೆ ನೇಮಕ ಹೀಗೆ ತನಗೆ ಬೇಕಾದರವನ್ನೇ ಬಿಜೆಪಿ ಇಲಾಖೆಗೆ ನೇಮಿಸಿಕೊಂಡಿದೆ. ಪಿಎಸ್ ಐ ಆಗಿ ನೇಮಕಗೊಂಡವರು ಬಿಜೆಪಿಗೆ ಬೇಕಾದವರು ಎಂದು ಆರೋಪಿಸಿದರು.
