ತಿರುವನಂತಪುರ: ಎಸ್‌ಡಿಪಿಐ ದಕ್ಷಿಣ ಕನ್ನಡ ಜಿಲ್ಲಾಧ್ಯಕ್ಷ ಅನ್ವರ್ ಸಾದಾತ್ ರವರ ತಾಯಿ ನಿಧನರಾಗಿದ್ದಾರೆ.
ಅನ್ವರ್ ಸಾದಾತ್ ಅವರ ತಾಯಿ ಲೈಲಾ ಬೀವಿಯವರಿಗೆ ನಿನ್ನೆ ಹಠಾತ್ ಎದೆ ನೋವು ಕಾಣಿಸಿಕೊಂಡಿದೆ. ಬಳಿಕ ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಚಿಕಿತ್ಸೆ ಫಲಕಾರಿಯಾಗದೆ ಕೇರಳದ ತಿರುವನಂತಪುರದಲ್ಲಿ ಇಹಲೋಕ ತ್ಯಜಿಸಿದ್ದಾರೆ.
ತಾಯಿಯ ಜನಾಝ ಕೇರಳದ ತಿರುವನಂದಪುರಂ ನಲ್ಲಿದೆ. ಅಂತ್ಯಕ್ರಿಯೆಯು ಲುಹರ್ ನಮಾಝ್ (ಆದಿತ್ಯವಾರ) ಬಳಿಕ ಅಟ್ಟಿಂಗಲ್ ಸಮೀಪದ ಕಾಡುವಯ್ಲ್ ಜುಮಾ ಮಸೀದಿಯ ಕಬರ್ಸ್ತಾನದಲ್ಲಿ ನಡೆಯಲಿದೆ ಎಂದು ಅನ್ವರ್ ಸಾದತ್ ಮಾಹಿತಿ ನೀಡಿದ್ದಾರೆ.
ಈ ಬಗ್ಗೆ ಎಸ್ ಡಿಪಿ ರಾಜ್ಯಾಧ್ಯಕ್ಷ ಅಬ್ದುಲ್ ಮಜೀದ್ ಸಂತಾಪ ಸೂಚಿಸಿದ್ದು, ಅವರಿಗೆ ಅಲ್ಲಾಹನು ಮಘ್ಫಿರತ್ ಮತ್ತು ಮರ್ಹಮತ್ ನೀಡಿ ಅನುಗ್ರಹಿಸಲಿ. ಅವರ ಅಗಲಿಕೆಯ ನೋವನ್ನು ಸಹಿಸುವ ಶಕ್ತಿಯನ್ನು ಅವರ ಕುಟುಂಬಕ್ಕೆ ನೀಡಲಿ ಎಂದು ಹೇಳಿದ್ದಾರೆ.
