ಕೆಂಪು ಬಣ್ಣ ಕ್ರಾಂತಿಯ ಸಂಕೇತ: ಮೋದಿಗೆ ಅಖಿಲೇಶ್ ತಿರುಗೇಟು

►ಅಖಿಲೇಶ್ ರ ಕೆಂಪು ಟೋಪಿಯನ್ನು ವ್ಯಂಗ್ಯವಾಡಿದ್ದ ಮೋದಿ

ಲಕ್ನೋ: ಕೆಂಪು ಟೋಪಿಯ ಬಗ್ಗೆ ವ್ಯಂಗ್ಯವಾಡಿದ್ದ ಪ್ರಧಾನಿ ನರೇಂದ್ರ ಮೋದಿಗೆ ಸಮಾಜವಾದಿ ಪಕ್ಷದ ಮುಖ್ಯಸ್ಥ ಅಖಿಲೇಶ್ ಯಾದವ್ ತಿರುಗೇಟು ನೀಡಿದ್ದಾರೆ.

ಕೆಂಪು ಬಣ್ಣ ಬದಲಾವಣೆ ಮತ್ತು ಕ್ರಾಂತಿಯ ಸಂಕೆತವಾಗಿದೆ. ಬಿಜೆಪಿಗೆ ಅದು ಅರ್ಥವಾಗುತ್ತಿಲ್ಲ ಎಂದು ಅಖಿಲೇಶ್ ಹೇಳಿದರು.

‘ಕೆಂಪು ಬಣ್ಣ ಭಾವನೆಗಳನ್ನು ಸೂಚಿಸುತ್ತದೆ. ಬಿಜೆಪಿಯವರಿಗೆ ಭಾವನೆಗಳು ಅರ್ಥವಾಗುತ್ತಿಲ್ಲ. ಇದು ಬದಲಾವಣೆ ಮತ್ತು ಕ್ರಾಂತಿಯ ಬಣ್ಣವೂ ಹೌದು. ಉತ್ತರ ಪ್ರದೇಶದಲ್ಲಿ ಈ ಬಾರಿ ಬದಲಾವಣೆ ಆಗಲಿದೆ ಎಂಬುದು ಅವರಿಗೆ ಗೊತ್ತಿದೆ. ಈ ಹಿಂದೆ ಮುಖ್ಯಮಂತ್ರಿಯೂ ಇದೇ ಭಾಷೆ ಬಳಸಿದ್ದರು. ಇದೇನೂ ಹೊಸದಲ್ಲ” ಎಂದು ಅಖಿಲೇಶ್ ಹೇಳಿದ್ದಾರೆ.

ಕೆಂಪು ಟೋಪಿ ಉತ್ತರ ಪ್ರದೇಶಕ್ಕೆ ರೆಡ್ ಅಲರ್ಟ್ ಆಗಿದೆ. ಅಖಿಲೇಶ್ ಅವರ ರೆಡ್ ಕ್ಯಾಪ್ ಅಪಾಯದ ಸಂಕೇತ ಎಂದು ಮೋದಿ ಲೇವಡಿ ಮಾಡಿದ್ದರು