ನವದೆಹಲಿ: ಮೇ 19, 2023 ರಂದು 2 ಸಾವಿರದ ಪಿಂಕ್ ನೋಟುಗಳನ್ನು ಚಲಾವಣೆಯಿಂದ ಹಿಂದೆಗೆದುಕೊಳ್ಳಲು ನಿರ್ಧರಿಸಿದಾಗಿನಿಂದ ಆರ್ಬಿಐ, ಅಕ್ಟೋಬರ್ 31ರ ವರೆಗೆ ಶೇ. 97 ರಷ್ಟು ಸ್ವೀಕರಿಸಿದೆ.
ಅಕ್ಟೋಬರ್ 31, 2023 ರ ಹೊತ್ತಿಗೆ 10,000 ಕೋಟಿ ರೂ. ಮೌಲ್ಯದ ನೋಟುಗಳು ಬ್ಯಾಂಕಿಗೆ ಹಿಂದಿರುಗದೇ ಬಾಕಿಯಾಗಿವೆ.
ಮೇ.19, 2023 ರ ಹೊತ್ತಿಗೆ 3.56 ಲಕ್ಷ ಕೋಟಿ ಮೌಲ್ಯದ 2 ಸಾವಿರದ ಕರೆನ್ಸಿ ನೋಟುಗಳು ಭಾರತದ ಹಣಕಾಸು ವ್ಯವಸ್ಥೆಯಲ್ಲಿ ಚಲಾವಣೆಯಲ್ಲಿದ್ದವು.
ಕೇಂದ್ರ ಬ್ಯಾಂಕ್ ಗುಲಾಬಿ ನೋಟುಗಳನ್ನು ಹಿಂದಿರುಗಿಸುವ ದಿನಾಂಕವನ್ನು ಕಳೆದ ತಿಂಗಳು ಸೆಪ್ಟೆಂಬರ್ 30, 2023 ರಿಂದ ಅಕ್ಟೋಬರ್ 7, 2023 ರವರೆಗೆ ವಿಸ್ತರಿಸಿತ್ತು. ಇನ್ನೂ ಅವಕಾಶವಿದ್ದು, 2,000 ರೂಪಾಯಿ ನೋಟುಗಳನ್ನು ಹೊಂದಿರುವವರು ದೇಶಾದ್ಯಂತ RBI ನ 19 ಕಚೇರಿಗಳಲ್ಲಿ ಅವುಗಳನ್ನು ಹಿಂತಿರುಗಿಸಬಹುದು. ಅವರು ಗರಿಷ್ಠ 20,000 ರೂ. ಮೌಲ್ಯದ ಗುಲಾಬಿ ನೋಟುಗಳನ್ನು ಠೇವಣಿ ಮಾಡಬಹುದು.
