ದೇಶದ್ರೋಹ ಕಾಯ್ದೆಯನ್ನು ಇನ್ನೂ ಉಳಿಸಿಕೊಂಡಿದ್ದೇಕೆ: ಕೇಂದ್ರದ ವಿರುದ್ಧ ಸುಪ್ರೀಮ್ ಕೋರ್ಟ್ ಗರಂ

Prasthutha: July 15, 2021
ಸ್ವಾತಂತ್ರ್ಯದ 75 ವರ್ಷಗಳ ನಂತರವೂ ನಮಗೆ ಈ ಕಾನೂನು ಬೇಕೇ?

ನವದೆಹಲಿ, ಜುಲೈ 15: ಬ್ರಿಟಿಷ್ ಯುಗದ ದೇಶದ್ರೋಹ ಕಾನೂನನ್ನು “ವಸಾಹತುಶಾಹಿ” ಎಂದು ಬಣ್ಣಿಸಿದ ಸುಪ್ರೀಂ ಕೋರ್ಟ್, “ಸ್ವಾತಂತ್ರ್ಯ ನಂತರದ 75 ವರ್ಷಗಳ ನಂತರವೂ ಈ ಕಾನೂನು ಇನ್ನೂ ಈ ದೇಶಕ್ಕೆ ಅಗತ್ಯವಿದೆಯೇ” ಎಂದು ಕೇಂದ್ರ ಸರ್ಕಾರವನ್ನು ಪ್ರಶ್ನಿಸಿದೆ.


ಇದು ಕಾನೂನು ಸಂಸ್ಥೆಗಳ ಕಾರ್ಯಚಟುವಟಿಕೆಗೆ ಗಂಭೀರ ಬೆದರಿಕೆಯಾಗಿದೆ ಮತ್ತು ಸರ್ಕಾರದ ನಡೆಯನ್ನು ಬೆಡಗಿ ಕೈಯಲ್ಲಿರುವ ಗರಗಸಕ್ಕೆ ಹೋಲಿಸಿದ ಸುಪ್ರೀಮ್ ಕೊರ್ಟ್, ಈ ಕಾಯ್ದೆಯನ್ನು ಸರ್ಕಾರ ಹೊಣೆಗಾರಿಕೆಯಿಲ್ಲದೆ ದುರುಪಯೋಗ ಪಡಿಸುವ ಸಾಧ್ಯತೆಯನ್ನು ಬೊಟ್ಟುಮಾಡಿದೆ.


ದೇಶದ್ರೋಹ ವಸಾಹತುಶಾಹಿ ಕಾನೂನು. ಸ್ವಾತಂತ್ರ್ಯದ 75 ವರ್ಷಗಳ ನಂತರವೂ ನಮಗೆ ಈ ಕಾನೂನು ಬೇಕೇ ಎಂದು ಸುಪ್ರೀಮ್ ಕೋರ್ಟ್ ನ ಮುಖ್ಯ ನ್ಯಾಯಮೂರ್ತಿ ಎನ್.ವಿ.ರಮಣ ಪ್ರಶ್ನಿಸಿದರು. ಕಾನೂನು ಪುಸ್ತಕದಿಂದ ಹಲವಾರು ದಿನಾಂಕದ ಕಾನೂನುಗಳನ್ನು ತೆಗೆದುಕೊಳ್ಳುವಾಗ ಸರ್ಕಾರ ಈ ಕಾನೂನಿನ ಕಡೆಗೆ ಗಮನ ಹರಿಸಿಲ್ಲವೆಂದು ನ್ಯಾಯಾಲಯವು ಕೇಂದ್ರ ಸರ್ಕಾರವನ್ನು ತೀವ್ರವಾಗಿ ತರಾಟೆಗೆ ತೆಗೆದುಕೊಂಡಿದೆ. ಅಟಾರ್ನಿ ಜನರಲ್ ಕೆ.ಕೆ.ವೇಣುಗೋಪಾಲ್ ರವರು ಈ ಕಾನೂನನ್ನು ಮಾರ್ಗಸೂಚಿಗಳೊಂದಿಗೆ ಉಳಿಸಿಕೊಳ್ಳಬಹುದೆಂದು ತನ್ನ ವಾದದ ಸಂದರ್ಭದಲ್ಲಿ ಸುಪ್ರೀಮ್ ಕೋರ್ಟ್ ಮುಖ್ಯ ನ್ಯಾಯಮೂರ್ತಿಗೆ ಸಲಹೆ ನೀಡಿದರು.

ಮುಖ್ಯ ನ್ಯಾಯಾಧೀಶರ ನೇತೃತ್ವದ ಮೂವರು ನ್ಯಾಯಾಧೀಶರ ನ್ಯಾಯಪೀಠವು, ಭಾರತೀಯ ದಂಡ ಸಂಹಿತೆಯ ಸೆಕ್ಷನ್ 124 ಎ ಅನ್ನು ದೇಶದ್ರೋಹದ ಕಾಯ್ದೆಯನ್ನು ಮರದ ತುಂಡನ್ನು ಕತ್ತರಿಸಲು ಬಡಗಿಗೆ ಗರಗಸ ಕೊಟ್ಟಂತೆಯೆಂದು ವರ್ಣಿಸಿದ್ದ ಕೋರ್ಟ್, ಸರ್ಕಾರವು ದೇಶದೋಹ ಕಾನೂನನ್ನು ದುರುಪಯೋಗಪಡಿಸುವ ಸಾಧ್ಯತೆಯಿದೆಯೆಂದು ತಿಳಿಸಿದೆ.

ಹಳ್ಳಿ ಪ್ರದೇಶದಲ್ಲಿ ಪೊಲೀಸರಿಗೆ ಯಾರನ್ನಾದರೂ ಗುರಿಪಡಿಸುವ ಸಲುವಾಗಿ ದೇಶದ್ರೋಹ ಪ್ರಕರಣವಾದ 124 ಎ ದಾಖಲು ಮಾಡಲು ಸಾಧ್ಯತೆಯಿರುವುದರಿಂದ ಜನರು ಭಯಭೀತರಾಗಿದ್ದಾರೆ. ಈ ಕಾಯ್ದೆಯನ್ನು ಪರಿಶೀಲನೆ ನಡೆಸುವಂತೆ ಕೋರಿ ಮಾಜಿ ಸೇನಾಧಿಕಾರಿಯಾದ ಎಸ್‌ ಜಿ ವೊಂಬಟ್‌ ಕೆರೆ ಅವರು ಸುಪ್ರೀಮ್ ಕೋರ್ಟ್ ಗೆ ಅರ್ಜಿ ಸಲ್ಲಿಸಿದ ಹಿನ್ನೆಲೆಯಲ್ಲಿ ಕೋರ್ಟ್ ನಿಂದ ಈ ಹೇಳಿಕೆ ಹೊರಬಿದ್ದಿದೆ. ಮಾತ್ರವಲ್ಲದೆ ಈ ಕಾನೂನನ್ನು ಬ್ರಿಟಿಷರು ಮಹಾತ್ಮ ಗಾಂಧಿಯನ್ನು ಮೌನಗೊಳಿಸಲು ಮತ್ತು ಸ್ವಾತಂತ್ರ್ಯ ಚಳವಳಿಯನ್ನು ಹತ್ತಿಕ್ಕಲು ಬಳಸಿದ್ದಾರೆಂದು ಸುಪ್ರೀಮ್ ಕೋರ್ಟ್ ಈ ಸಂದರ್ಭದಲ್ಲಿ ಪ್ರಸ್ತಾಪಿಸಿತು.
ಮಾತ್ರವಲ್ಲದೇ ಬಾಕಿಯಿರುವ 124 ಎ ಎಲ್ಲಾ ಅರ್ಜಿಗಳನ್ನು ಒಟ್ಟಿಗೆ ಆಲಿಸಲಾಗುವುದು ಮತ್ತು ಕಾನೂನಿನ ಅಭಿವೃದ್ಧಿಗೊಳಿಸುವ ಕ್ರಮ ಕೈಗೊಳ್ಳಲಾಗುವುದೆಂದು ನ್ಯಾಯಾಲಯ ತನ್ನ ಹೇಳಿಕೆಯಲ್ಲಿ ತಿಳಿಸಿದೆ.

ನಿಮ್ಮ ಚಂದಾ ಹಣ ಪಾವತಿಸಲು ಈ ಕೆಳಗಿನ ಬಟನ್ ಮೇಲೆ ಕ್ಲಿಕ್ ಮಾಡಿ.

ಜನಪರ ಪತ್ರಿಕೋದ್ಯಮವನ್ನು ಬೆಂಬಲಿಸಿ
ಪ್ರಸ್ತುತದ ಬೆಳವಣಿಗೆಯಲ್ಲಿ ಪಾಲುದಾರರಾಗಿ
ಜನಸಾಮಾನ್ಯರ ಜ್ವಲಂತ ಸಮಸ್ಯೆಗಳಿಗೆ ಸದಾ ಮಿಡಿಯುತ್ತಾ, ಧ್ವನಿ ಇಲ್ಲದ ಸಮುದಾಯಗಳ ಧ್ವನಿಯಾಗುತ್ತಾ ಮಾಧ್ಯಮ ಲೋಕದಲ್ಲಿ ಸ್ವತಂತ್ರವಾಗಿ ಕಾರ್ಯಾಚರಿಸುತ್ತಿರುವ ಪ್ರಸ್ತುತಕ್ಕೆ ನಿಮ್ಮ ಪ್ರೋತ್ಸಾಹ, ಬೆಂಬಲ ಯಾವತ್ತೂ ಇರಲಿ. ಪ್ರಸ್ತುತಕ್ಕೆ ದೇಣಿಗೆ ನೀಡಲು ಬಯಸುವವರು ಈ ಕೆಳಗಿನ ಲಿಂಕ್ ಮೇಲೆ ಕ್ಲಿಕ್ ಮಾಡಿ ಹಣವನ್ನು ಪಾವತಿಸಬಹುದು.

ಧನ್ಯವಾದಗಳು

ಟಾಪ್ ಸುದ್ದಿಗಳು

ವಿಶೇಷ ವರದಿ