ಬಾಗಲಕೋಟೆ: ನಗರದಲ್ಲಿ ಮಹಿಳಾ ನ್ಯಾಯವಾದಿಯಾದ ಸಂಗೀತಾ ಶಿಕ್ಕೇರಿ ಅವರ ಮೇಲೆ ವಿನಾಯಕ ನಗರದ ನಿವಾಸಿ ಮಾಂತೇಶ್ ಚೊಳಚಗುಡ್ಡ ಎಂಬಾತ ನಡುರಸ್ತೆಯಲ್ಲಿಯೇ ಕಾಲಿನಿಂದ ಒದ್ದು ಹಲ್ಲೆ ಮಾಡಿದ ವಿಡಿಯೋ ತುಣುಕೊಂದು ಈಗ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ.
ಹಲ್ಲೆಯಲ್ಲಿ ಕಾಲು ,ಎದೆಭಾಗ ಹಾಗೂ ತಲೆ ಭಾಗಕ್ಕೆ ತೀವ್ರ ಪೆಟ್ಟಾಗಿದ್ದು, ನನ್ನ ಪತಿಯ ಮೇಲೆಯೂ ಹಲ್ಲೆ ನಡೆಸಲಾಗಿದೆ ಎಂದು ಸಂಗೀತಾ ಶಿಕ್ಕೇರಿ ಹೇಳಿದ್ದಾರೆ. ತನ್ನ ಪತಿಯ ಕಿವಿ ಮತ್ತು ತಲೆಗೂ ಗಾಯವಾಗಿದೆ ಎಂದು ಹೇಳಿದ್ದಾರೆ.
ನಡು ರಸ್ತೆಯಲ್ಲಿ ಅಷ್ಟೊಂದು ಜನರ ಮಧ್ಯೆ ಒಂದು ಹೆಣ್ಣನ್ನು ಒಬ್ಬ ಕ್ರೂರಿ ಈ ರೀತಿ ಕಾಲಿನಲ್ಲಿ ಹೊಡೆಯುತ್ತಿದ್ದರೂ ಯಾರೂ ಸಹಾಯಕೆ ಬರದ ಹೃದಯ ವಿದ್ರಾವಕ ಘಟನೆಗೆ ಸಾಮಾಜಿಕ ಜಾಲತಾಣದಲ್ಲಿ ಸಾರ್ವಜನಿಕರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
