ಮಂಗಳೂರು: ಬಜ್ಪೆ ಪೇಟೆಯ ಮುಖ್ಯ ರಸ್ತೆಯ ಕೆಲಸ ನಡೆಯುತ್ತಿರುವುದರಿಂದ ಕೊಳಂಬೆಯ ಸೌಹಾರ್ದನಗರ ರಸ್ತೆಯನ್ನು ಬದಲಿ ರಸ್ತೆಯಾಗಿ ವಾಹನ ಸಂಚರಿಸಲು ಅನುವು ಮಾಡಿಕೊಡಲಾಗಿದ್ದು, ಇಲ್ಲಿ ನಿರಂತರ ಟ್ರಾಫಿಕ್ ಸಮಸ್ಯೆ ಉಂಟಾಗುತ್ತಿದೆ. ವಾಹನ ದಟ್ಟಣೆಯಿಂದಾಗಿ ಶಾಲಾ ಮಕ್ಕಳಿಗೆ ಹಾಗೂ ಸಾರ್ವಜನಿಕರಿಗೆ ತುಂಬಾ ತೊಂದರೆಯಾಗುತ್ತಿದೆ. ಈ ಸಮಸ್ಯೆಯನ್ನು ನೀಗಿಸಲು ಕೂಡಲೇ ಟ್ರಾಫಿಕ್ ಪೊಲೀಸರನ್ನು ನಿಯೋಜಿಸಬೇಕೆಂದು ಎಸ್.ಡಿ.ಪಿ.ಐ ಕೊಳಂಬೆ ಬೂತ್ ಸಮಿತಿ ಬಜ್ಪೆ ಠಾಣೆಯ ಪೊಲೀಸ್ ಉಪನಿರೀಕ್ಷಕರನ್ನು ಭೇಟಿ ಮಾಡಿ ಮನವಿ ಸಲ್ಲಿಸಿತು.
ಕೊಳಂಬೆ ಬೂತ್ ಅಧ್ಯಕ್ಷರಾದ ಹಮೀದ್ ಕೊಳಂಬೆ, ಕಾರ್ಯದರ್ಶಿ ಅಸ್ತಾಫ್ ಕೊಳಂಬೆ, ಶೇಕ್ ಅಬ್ಧುಲ್ಲ, ಶರ್ಪುದ್ದೀನ್ ಕೊಳಂಬೆ ಹಾಗೂ ಹಕೀಂ ಕೊಳಂಬೆ ಉಪಸ್ಥಿತರಿದ್ದರು.
