ವಾಷಿಂಗ್ಟನ್: 20ನೇ ದಿನಕ್ಕೆ ಕಾಲಿಟ್ಟಿರುವ ರಷ್ಯಾ- ಉಕ್ರೇನ್ ಸಂಘರ್ಷ ಮಧ್ಯೆ ಯುದ್ಧಪೀಡಿತ ಉಕ್ರೇನ್’ಗೆ ಆಯುಧ, ಆಹಾರ, ಹಣದ ನೆರವನ್ನು ಒದಗಿಸುವುದಾಗಿ ಅಮೆರಿಕ ಅಧ್ಯಕ್ಷ ಜೋ ಬೈಡೆನ್ ತಿಳಿಸಿದ್ದಾರೆ.
ಉಕ್ರೇನ್ ನ ಮೇಲೆ ರಷ್ಯಾದ ದಾಳಿ ತೀವ್ರ ಸ್ವರೂಪ ಪಡೆದುಕೊಂಡಿದ್ದು, ಈ ಬಗ್ಗೆ ಅಮೆರಿಕ ಸೇರಿದಂತೆ ಅನೇಕ ರಾಷ್ಟ್ರಗಳು ವಿರೋಧವನ್ನು ವ್ಯಕ್ತಪಡಿಸಿವೆ.
ಈ ಕುರಿತು ಟ್ವೀಟ್ ಮೂಲಕ ಪ್ರತಿಕ್ರಿಯಿಸಿದ ಬೈಡೆನ್, ಉಕ್ರೇನ್ ಜನರು ಯುದ್ಧದಿಂದಾಗಿ ಹಾನಿಗೊಳಗಾದ ಪ್ರದೇಶಗಳನ್ನು ತೊರೆಯುತ್ತಿದ್ದಾರೆ. ಈ ನಿಟ್ಟಿನಲ್ಲಿ ಸಂತ್ರಸ್ತರಿಗೆ ನೆರವಾಲಗು ಸಿದ್ಧರಿದ್ದೇವೆ ಎಂದು ಭರವಸೆ ನೀಡಿದ್ದಾರೆ
ರಷ್ಯಾವನ್ನು ಶಕ್ತವಾಗಿ ಎದುರಿಸುವ ಸಲುವಾಗಿ ಉಕ್ರೇನ್’ನ ಬಳಿಯಲ್ಲಿ ಸಾಕಷ್ಟು ಶಸ್ತ್ರಾಸ್ತ್ರಗಳಿವೆಯೇ ಎಂದು ಖಚಿತ ಪಡಿಸಿಕೊಳ್ಳಲಿದ್ದೇನೆ. ಸಂತ್ರಸ್ತ ಉಕ್ರೇನ್ ನಾಗರಿಕರ ಪ್ರಾಣವನ್ನು ಕಾಪಾಡಲು ಹಣ ಮತ್ತು ಆಹಾರನ್ನು ಕಳಿಸಲಿದ್ದು, ಉಕ್ರೇನ್ ನಿರಾಶ್ರಿತರನ್ನು ನಾವು ಮುಕ್ತವಾಗಿ ಸ್ವಾಗತಿಸುತ್ತೇವೆ ಎಂದು ಟ್ವೀಟ್ನಸಲ್ಲಿ ತಿಳಿಸಿದ್ದಾರೆ
ಈ ಮಧ್ಯೆ ಉಕ್ರೇನ್ ವಿರುದ್ಧ ದಾಳಿ ನಡೆಸುತ್ತಿರುವ ರಷ್ಯಾವು, ಡ್ರೋನ್, ಶಸ್ತ್ರಾಸ್ತ ಸೇರಿದಂತೆ ಸೈನಿಕ ನೆರವು ನೀಡುವಂತೆ ಚೀನಾದ ಬಳಿ ಮನವಿ ಮಾಡಿದೆ ಎಂದು ಅಮೆರಿಕದ ಉನ್ನತ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.
