“ಸ್ಕ್ಯಾನಿಯಾ ಬಸ್ಸಿನ ಭಾರತದ ಗುತ್ತಿಗೆಗೆ ಕೇಂದ್ರ ಸಚಿವ ಗಡ್ಕರಿ ಲಂಚ ಪಡೆದಿದ್ದಾರೆ” : ಸ್ವೀಡಿಶ್ ಮಾಧ್ಯಮಗಳ ವರದಿ

Prasthutha: March 11, 2021

ಹೊಸದಿಲ್ಲಿ : ಕೇಂದ್ರ ಸಾರಿಗೆ ಸಚಿವ ನಿತಿನ್ ಗಡ್ಕರಿ ಅವರು ಬಸ್ ತಯಾರಕ ಸಂಸ್ಥೆಯಾದ ಸ್ಕ್ಯಾನಿಯಾ ಮತ್ತು ಭಾರತೀಯ ಕಂಪನಿಯೊಂದರ ನಡುವಿನ ಒಪ್ಪಂದಕ್ಕಾಗಿ ಲಂಚವಾಗಿ ಸ್ಕ್ಯಾನಿಯಾ ಐಷಾರಾಮಿ ಬಸ್ ಪಡೆದಿದ್ದಾರೆ ಎಂದು ಸ್ವೀಡಿಷ್ ಮಾಧ್ಯಮ ವರದಿ ಮಾಡಿದೆ.  ಭಾರತೀಯ ಕಂಪನಿಗೆ ನಿತಿನ್ ಗಡ್ಕರಿ ಅವರ ಕುಟುಂಬದೊಂದಿಗೆ ಸಂಪರ್ಕ ಇದೆ ಎಂದು ಸ್ವೀಡಿಷ್ ಮಾಧ್ಯಮ ತಿಳಿಸಿದೆ.

‘2017 ರ ಕೊನೆಯಲ್ಲಿ, ಸ್ಕ್ಯಾನಿಯಾ ವಿಶೇಷವಾಗಿ ವಿನ್ಯಾಸಗೊಳಿಸಿದ ಐಷಾರಾಮಿ ಬಸ್ ಅನ್ನು ಭಾರತದ ಸಾರಿಗೆ ಸಚಿವರಿಗೆ ಉಡುಗೊರೆಯಾಗಿ ನೀಡಿದೆ ಎಂಬುದಕ್ಕೆ ಸ್ಕ್ಯಾನಿಯಾದ ಲೆಕ್ಕ ಪರಿಶೋಧಕರಿಗೆ ಪುರಾವೆಗಳು ದೊರೆತಿವೆ. ಸ್ಕ್ಯಾನಿಯಾ ಒಡೆತನದ ಜರ್ಮನ್ ವಾಹನ ತಯಾರಕ ವೋಕ್ಸ್‌ವ್ಯಾಗನ್, ಭಾರತದಲ್ಲಿ ನಿಯೋಜನೆ ಪಡೆಯುವ ಉದ್ದೇಶದಿಂದ ಬಸ್ ಅನ್ನು ಭಾರತೀಯ ಸಚಿವರಿಗೆ ಉಡುಗೊರೆಯಾಗಿ ನೀಡಲಾಗಿದೆ ಎಂದು ಸ್ವೀಡಿಷ್ ಸುದ್ದಿ ವಾಹಿನಿಯ ಮೂಲಗಳು ತಿಳಿಸಿವೆ.

ಸಚಿವರ ಮಗಳ ಮದುವೆಯಲ್ಲಿ ಈ ಬಸ್ಸನ್ನು ಬಳಸಲಾಗಿದೆ ಎಂದು ವರದಿಯಾಗಿದೆ. ಆದರೆ ಗಡ್ಕರಿ ಅವರ ಕಚೇರಿ ಇದು ‘ಮಾಧ್ಯಮ ಕಲ್ಪನೆ’ ಎಂದು ಹೇಳಿದೆ. ಮದುವೆಗೆ ಅತಿಥಿಗಳನ್ನು ತಲುಪಿಸಲು 50 ಚಾರ್ಟರ್ಡ್ ವಿಮಾನಗಳನ್ನೂ ಉಪಯೋಗಿಸಲಾಗಿದೆ ಎಂದೂ ವರದಿಯಲ್ಲಿ ಉಲ್ಲೇಖವಿದೆ. ಇದರ ಎಲ್ಲಾ ವೆಚ್ಚವನ್ನು ವೋಕ್ಸ್‌ವ್ಯಾಗನ್‌ನ ಹಣಕಾಸು ಕಂಪನಿ ಭರಿಸಿದೆ ಎಂದು ಸ್ವೀಡಿಷ್ ವಾಹಿನಿ ವರದಿ ಮಾಡಿದೆ.

ನಿಮ್ಮ ಚಂದಾ ಹಣ ಪಾವತಿಸಲು ಈ ಕೆಳಗಿನ ಬಟನ್ ಮೇಲೆ ಕ್ಲಿಕ್ ಮಾಡಿ.

ಜನಪರ ಪತ್ರಿಕೋದ್ಯಮವನ್ನು ಬೆಂಬಲಿಸಿ
ಪ್ರಸ್ತುತದ ಬೆಳವಣಿಗೆಯಲ್ಲಿ ಪಾಲುದಾರರಾಗಿ
ಜನಸಾಮಾನ್ಯರ ಜ್ವಲಂತ ಸಮಸ್ಯೆಗಳಿಗೆ ಸದಾ ಮಿಡಿಯುತ್ತಾ, ಧ್ವನಿ ಇಲ್ಲದ ಸಮುದಾಯಗಳ ಧ್ವನಿಯಾಗುತ್ತಾ ಮಾಧ್ಯಮ ಲೋಕದಲ್ಲಿ ಸ್ವತಂತ್ರವಾಗಿ ಕಾರ್ಯಾಚರಿಸುತ್ತಿರುವ ಪ್ರಸ್ತುತಕ್ಕೆ ನಿಮ್ಮ ಪ್ರೋತ್ಸಾಹ, ಬೆಂಬಲ ಯಾವತ್ತೂ ಇರಲಿ. ಪ್ರಸ್ತುತಕ್ಕೆ ದೇಣಿಗೆ ನೀಡಲು ಬಯಸುವವರು ಈ ಕೆಳಗಿನ ಲಿಂಕ್ ಮೇಲೆ ಕ್ಲಿಕ್ ಮಾಡಿ ಹಣವನ್ನು ಪಾವತಿಸಬಹುದು.

ಧನ್ಯವಾದಗಳು

ಟಾಪ್ ಸುದ್ದಿಗಳು

ವಿಶೇಷ ವರದಿ

error: Content is protected !!