ವಿಶ್ವಸಂಸ್ಥೆ: ಗಾಝಾ ಪಟ್ಟಿಯಲ್ಲಿ ಮೃತಪಟ್ಟ ತನ್ನ ಸಹೋದ್ಯೋಗಿಗಳಿಗೆ ವಿಶ್ವಸಂಸ್ಥೆ ಗೌರವ ಸಲ್ಲಿಸಿದೆ. ವಿಶ್ವಸಂಸ್ಥೆ ಸಿಬ್ಬಂದಿ ಸಾವಿನ ಗೌರವಾರ್ಥ ಏಷ್ಯಾದಾದ್ಯಂತ ವಿಶ್ವಸಂಸ್ಥೆಯ ಕಚೇರಿಗಳ ಎದುರು ಧ್ವಜವನ್ನ ಅರ್ಧಕ್ಕೆ ಇಳಿಸಿದೆ.
ಇಸ್ರೇಲ್ ಪ್ಯಾಲೆಸ್ತೀನ್‌ನಲ್ಲಿ ನಡೆಸುತ್ತಿರುವ ಅಮಾನುಷ ಬಾಂಬ್ ದಾಳಿಯಿಂದ ಈಗಲೂ ಜನರು ಬಲಿಯಾಗುತ್ತಾ ಇದ್ದಾರೆ. ಸಾವಿರಾರು ಮಕ್ಕಳೂ ಬಲಿಯಾಗಿದ್ದಾರೆ ಇದೇ ಯುದ್ಧದಲ್ಲಿ ಸಂಕಷ್ಟಕ್ಕೆ ಸಿಲುಕಿದ್ದ ಜನರಿಗೆ ಸಹಾಯ ಮಾಡಲು ಹೋದ ವಿಶ್ವಸಂಸ್ಥೆಯ ಸಿಬ್ಬಂದಿಯೇ ಮೃತಪಟ್ಟಿದ್ದಾರೆ. ಈವರೆಗೆ 100 ಕ್ಕೂ ಹೆಚ್ಚು ವಿಶ್ವಸಂಸ್ಥೆಯ ಸಿಬ್ಬಂದಿ ಯುದ್ಧಕ್ಕೆ ಬಲಿಯಾಗಿದ್ದಾರೆ ಎನ್ನಲಾಗಿದೆ. ಹಾಗೂ, ಇಸ್ರೇಲ್ ಸೇನೆ ವಿರುದ್ಧ ಈ ಬಗ್ಗೆ ವಿಶ್ವಸಂಸ್ಥೆ ಆಕ್ರೋಶ ಹೊರಹಾಕಿತ್ತು. ಈಗ ನೋಡಿದರೆ ತನ್ನ ಕಚೇರಿ ಎದುರಿನ ಧ್ವಜವನ್ನು ಅರ್ಧಕ್ಕೆ ಇಳಿಸಿ ಗೌರವ ಸಲ್ಲಿಸಿದೆ.
