ಹೈದರಾಬಾದ್: ಗುಲ್ಜಾರ್ ಹೌಸ್ ಚಾರ್ಮಿನಾರ್‌ನಲ್ಲಿ ನಿನ್ನೆ ತಡರಾತ್ರಿ 500 ರೂ. ನೋಟಿನ ಮಳೆ ಸುರಿದಿದೆ. ಮದುವೆ ಮೆರವಣಿಗೆಯಲ್ಲಿ ವ್ಯಕ್ತಿಯೊಬ್ಬ 500 ರೂ ನೋಟುಗಳನ್ನು ಗಾಳಿಯಲ್ಲಿ ಹಾರಿಸಿ ನೋಡುಗರನ್ನು ನಿಬ್ಬೆರಗಾಗಿಸಿದ್ದಾನೆ.
ಈ ವೀಡಿಯೋ ಈಗ ಸಾಮಾಜಿಕ ಜಾಲತಾಣಗಳಲ್ಲಿ ಸಖತ್ ವೈರಲ್‌ ಆಗಿದೆ. ಮದುವೆಗೆ ಬಂದಿದ್ದ ಅತಿಥಿಯೊಬ್ಬ ಈ ರೀತಿ 500ರ ನೋಟುಗಳನ್ನು ಹಾರಿಬಿಟ್ಟಿದ್ದಾನೆ. ತನಗಾದ ಸಂತೋಷವನ್ನು ವ್ಯಕ್ತಪಡಿಸಲು ಆತ ಈ ರೀತಿ ಮಾಡಿದ್ದಾನೆ ಎನ್ನಲಾಗಿದೆ.
ಮದುವೆ ಮೆರವಣಿಗೆಯಲ್ಲಿ ಬಿಳಿಯ ಜುಬ್ಬಾ ಧರಿಸಿದ್ದ ವ್ಯಕ್ತಿ 500 ರೂಪಾಯಿಯ ನೂರಾರು ನೋಟುಗಳನ್ನು ಹಾರಿಸಿಬಿಟ್ಟಿದ್ದಾನೆ. ಈ ವಿಡಿಯೋ ನೋಡಿದವರಿಗೆಲ್ಲ ಅಚ್ಚರಿಯೋ ಅಚ್ಚರಿ.
ಕೇವಲ 30 ಸೆಕೆಂಡುಗಳ ವಿಡಿಯೋ ಇದು. ಹಣವನ್ನು ಗಾಳಿಯಲ್ಲಿ ತೂರಿ ಆತ ಹೊರಟಿರುವುದು ಸೆರೆಯಾಗಿದೆ. ಈ ರೀತಿ ನೋಟಿನ ಮಳೆ ಸುರಿಸಿದವನ ಬಳಿ ಅದೆಷ್ಟು ಹಣವಿರಬಹುದು ಅನ್ನೋ ಆಲೋಚನೆ ಒಂದು ಕಡೆಯಾದರೆ, ಆ ಸ್ಥಳದಲ್ಲಿ ನಾವೂ ಇದ್ದರೆ ನಮಗೂ ಗರಿ ಗರಿ ನೋಟು ಸಿಗುತ್ತಿತ್ತಲ್ಲ ಅಂತ ಹಲವರು ಚಿಂತಿಸುವವರು ಮತ್ತೊಂದು ಕಡೆ.
