ಮಂಗಳೂರು: ಯುಪಿಎಸ್ ಸಿ ಪರೀಕ್ಷೆಯಲ್ಲಿ ರ್‍ಯಾಂಕ್ ಪಡೆದ ಕರ್ನಾಟಕದ ಅಭ್ಯರ್ಥಿಗಳ ಪೈಕಿ ನಾಲ್ವರು ದಕ್ಷಿಣ ಕನ್ನಡ ಜಿಲ್ಲೆಯಲ್ಲಿ ವ್ಯಾಸಂಗ ಪಡೆದವರಾಗಿದ್ದಾರೆ.
92ನೇ ರ್‍ಯಾಂಕ್ ಪಡೆದ ಚಿತ್ರದುರ್ಗದ ಡಾ.ಬೆನಕಪ್ರಸಾದ್ ಹಾಗೂ 139ನೇ ರ್‍ಯಾಂಕ್ ಪಡೆದ ವಿಜಯಪುರ ಜಿಲ್ಲೆಯ ತಾಳಿಕೋಟೆಯ ನಿಕಿಲ್ ಪಾಟೀಲ್ ಪ್ರಾಥಮಿಕ ಹಾಗೂ ಪ್ರೌಢ ಶಿಕ್ಷಣವನ್ನು ಬಂಟ್ವಾಳದ ಅಳಿಕೆಯಲ್ಲಿರುವ ಅಳಿಕೆ ಸತ್ಯಸಾಯಿಬಾಬಾ ಲೋಕಸೇವಾ ಎಜುಕೇಶನ್ ಟ್ರಸ್ಟ್ ನಲ್ಲಿ ಶಿಕ್ಷಣ ಪಡೆದಿದ್ದಾರೆ.
191ನೇ ರ್‍ಯಾಂಕ್ ಪಡೆದಿರುವ ಕೊಪ್ಪಳ ಗಂಗಾವತಿಯ ಅಪೂರ್ವ ಬಾಸೂರು ಮಂಗಳೂರಿನ ಎಕ್ಸ್ ಪರ್ಟ್ಸ್ ಎಜುಕೇಶನಲ್ ಇನ್ ಸ್ಟಿಟ್ಯೂಟ್ ನಲ್ಲಿ ಪಿಯುಸಿ ಓದಿದ್ದರೆ, 311ನೇ ರ್‍ಯಾಂಕ್ ಪಡೆದ ಹೊನ್ನಾವರದ ದೀಪಕ್ ಶೇಟ್ ಮೂಡುಬಿದಿರೆಯ ಆಳ್ವಾಸ್ ಶಿಕ್ಷಣ ಸಂಸ್ಥೆಯಲ್ಲಿ ಪಿಯುಸಿ ಓದಿದ್ದಾರೆ.
