ನವದೆಹಲಿ: ಎಲ್ಲಾ ಭಾರತೀಯರ DNA ಒಂದೇ ಎಂದು ಹೇಳಿಕೆ ನೀಡುವವರು ಹಿಂದುತ್ವದ ಪ್ರತಿಪಾದಕರು ಆಗಿದ್ದಾರೆ. ಆದರೆ ದೇಶದ ನೈಜ ಹಿಂದೂಗಳು ಪ್ರತಿಯೊಬ್ಬ ಭಾರತೀಯನ DNA ವಿಶಿಷ್ಟ ಮತ್ತು ವಿಭಿನ್ನ ಎಂದು ನಂಬುತ್ತಾರೆ ಎಂದು ಕಾಂಗ್ರೆಸ್ ನಾಯಕ ರಾಹುಲ್ ತಿಳಿಸಿದ್ದಾರೆ.
40 ಸಾವಿರ ವರ್ಷಗಳಿಂದ ಎಲ್ಲಾ ಭಾರತೀಯರ DNA ಒಂದೇ ಆಗಿದೆ ಎಂಬ ಆರೆಸ್ಸೆಸ್ ಮುಖ್ಯಸ್ಥ ಮೋಹನ್ ಭಾಗವತ್ ಅವರ ಹೇಳಿಕೆಗೆ ಕಾಂಗ್ರೆಸ್ ಮುಖಂಡ ರಾಹುಲ್ ಟ್ವೀಟ್ ಮೂಲಕ ಈ ಮೇಲಿನಂತೆ ತಿರುಗೇಟು ನೀಡಿದ್ದಾರೆ.
ಹಿಮಾಚಲ ಪ್ರದೇಶದಲ್ಲಿ ನಡೆದ ಕಾರ್ಯಕ್ರಮವೊಂದರಲ್ಲಿ ಮಾತನಾಡಿದ ಮೋಹನ್ ಭಾಗವತ್ 40 ಸಾವಿರ ವರ್ಷಗಳಿಂದ ಭಾರತೀಯರ DNA ಒಂದೇ ಆಗಿದ್ದು, ಪೂರ್ವಜರೆಲ್ಲ ನಮ್ಮ ಕುಲದವರು. ಪೂರ್ವಜರಿಂದಾಗಿ ದೇಶ ಅಭಿವೃದ್ಧಿ ಪಥದಲ್ಲಿ ಸಾಗುತ್ತಾ ಸಂಸ್ಕ್ರತಿಯನ್ನು ಉಳಿಸಿದೆ ಎಂದು ತಿಳಿಸಿದ್ದರು. ಈ ಹೇಳಿಕೆಯನ್ನು ವಿರೋಧಿಸಿ ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ ಪ್ರತಿಕ್ರಿಯಿಸಿದ್ದಾರೆ.
