ಪಾಕಿಸ್ತಾನ: ದೇಶದ ವಾಯುನೆಲೆ ಮೇಲೆ ಉಗ್ರರು ನಡೆಸಿದ ಆತ್ಮಾಹುತಿ ದಾಳಿಯಲ್ಲಿ ಕನಿಷ್ಠ 23 ಮಂದಿ ಮೃತಪಟ್ಟಿದ್ದಾರೆ ಎಂದು ಮಾಹಿತಿ ಬಂದಿದೆ. ಮುಂಜಾನೆ ದಾಳಿ ನಡೆದಿದ್ದು, ಉಗ್ರರ ಗುಂಪು ಈ ದಾಳಿ ನಡೆಸಿದೆ ಎನ್ನಲಾಗಿದೆ.
ಆಫ್ಘಾನಿಸ್ತಾನ ಗಡಿಯಲ್ಲಿರುವ ದೇರಾ ಖಾನ್ ಜಿಲ್ಲೆಯ ಕೈಬರ್ ಪಾಕ್ತುಕಾವಾ ವಲಯದಲ್ಲಿರುವ ರಕ್ಷಣಾ ಪಡೆಯ ವಾಯುನೆಲೆ ಮೇಲೆ ಬೃಹತ್ ದಾಳಿ ನಡೆದಿದೆ. ಪಾಕಿಸ್ತಾನ ಯೋಧರು ಸಾಮಾನ್ಯ ನಾಗರಿಕ ವಸ್ತ್ರದಲ್ಲಿ ನಿದ್ರಿಸುತ್ತಿದ್ದ ಸಮಯದಲ್ಲಿ ಉಗ್ರರ ದಾಳಿ ನಡೆದಿದೆ. ಮೃತಪಟ್ಟವರು ಎಲ್ಲರೂ ಯೋಧರೇ ಅಥವಾ ನಾಗರಿಕರೂ ಸೇರಿದ್ದಾರೆಯೇ ಎಂಬ ಪರಿಶೀಲನೆ ನಡೆದಿದೆ.
