ಬಿಜೆಪಿಯನ್ನು ಅಧಿಕಾರದಿಂದ ಕಿತ್ತೊಗೆದ ದಿನವೇ ದೇಶವು ನಿಜವಾದ ವ್ಯಾಕ್ಸಿನೇಟ್ ಆಗುವುದೆಂದು ಟ್ವೀಟ್ ಮಾಡುವ ಮೂಲಕ ಪಶ್ಚಿಮ ಬಂಗಾಳದಲ್ಲಿ ಕೋವಿಡ್ ಲಸಿಕೆ ಉಚಿತವಾಗಿ ನೀಡಲಾಗುವುದು ಎಂಬ ಬಿಜೆಪಿಯ ಹೇಳಿಕೆಯನ್ನು ನಟ ಸಿದ್ಧಾರ್ಥ್ ಅಪಹಾಸ್ಯ ಮಾಡಿದ್ದಾರೆ.
ಅಧಿಕಾರಕ್ಕೆ ಬಂದರೆ ಪಶ್ಚಿಮ ಬಂಗಾಳದಲ್ಲಿ ಕೋವಿಡ್ ಲಸಿಕೆ ಉಚಿತವಾಗಿ ನೀಡಲಾಗುವುದು ಎಂಬ ಬಿಜೆಪಿಯ ಹೇಳಿಕೆಯನ್ನು ರಿಟ್ವೀಟ್ ಮಾಡುವ ಮೂಲಕ ಸಿದ್ಧಾರ್ಥ್ ಅವರು ಈ ರೀತಿ ಪ್ರತಿಕ್ರಿಯಿಸಿದ್ದಾರೆ.
“ಒಂದು ದಿನ ನಿಮ್ಮನ್ನು ಅಧಿಕಾರದಿಂದ ಕಿತ್ತೊಗೆದಾಗ ಈ ದೇಶವು ನಿಜವಾಗಿಯೂ ವ್ಯಾಕ್ಸಿನೇಟ್ ಆಗುವುದು. ಆ ದಿನ ಕೂಡಿ ಬರಲಿದೆ. ಕನಿಷ್ಠ ಪಕ್ಷ ಈ ಟ್ವೀಟ್ ಅನ್ನು ನಿಮಗೆ ನೆನಪಿಸಲಾದರೂ ನಾವು ಆ ಸಮಯದಲ್ಲಿ ಇಲ್ಲಿಯೇ ಇರಲಿದ್ದೇವೆ” ಎಂದು ಸಿದ್ದಾರ್ಥ್ ಟ್ವೀಟ್ ಮಾಡಿದ್ದಾರೆ.
