ಐಪಿಎಲ್’ನಲ್ಲಿ ಮಂಗಳವಾರ ರಾಯಲ್ಸ್-ರೈಸರ್ಸ್ ಮುಖಾಮುಖಿ

ಹೈದರಾಬಾದ್: ಐಪಿಎಲ್ 15ನೇ ಆವೃತ್ತಿಯಲ್ಲಿ ಮಂಗಳವಾರ ನಡೆಯಲಿರುವ ಪಂದ್ಯದಲ್ಲಿ ರಾಜಸ್ಥಾನ್ ರಾಯಲ್ಸ್ ಹಾಗೂ ಸನ್ರೈಸರ್ಸ್ ಹೈದರಾಬಾದ್ ತಂಡಗಳು ಮುಖಾಮುಖಿಯಾಗಲಿವೆ. ಕಳೆದ ಆವೃತ್ತಿಯ ಅಂಕಪಟ್ಟಿಯಲ್ಲಿ ಅಂತಿಮ ಎರಡು ಸ್ಥಾನಗಳಲ್ಲಿ ಟೂರ್ನಿ ಮುಗಿಸಿದ್ದ ರಾಜಸ್ತಾನ , ಹೈದರಾಬಾದ್ ತಂಡಗಳು ಈ ಬಾರಿ ಹೊಸ ಹುರುಪಿನೊಂದಿಗೆ ಸಜ್ಜಾಗಿದೆ.

2008ರ ಐಪಿಎಲ್ ಉದ್ಘಾಟನಾ ಆವೃತ್ತಿಯಲ್ಲಿ ಚಾಂಪಿಯನ್ ಆಗಿದ್ದ ರಾಜಸ್ಥಾನ ರಾಯಲ್ಸ್, ಆ ಬಳಿಕದ 13 ಆವೃತ್ತಿಗಳಲ್ಲಿ ಚಾಂಪಿಯನ್ ಪಟ್ಟದಿಂದ ದೂರವೇ ಉಳಿದಿದೆ. ಮತ್ತೊಂದೆಡೆ ಸನ್ರೈಸರ್ಸ್ ಹೈದರಾಬಾದ್ ತಂಡವು 2016ರಲ್ಲಿ ಪ್ರಶಸ್ತಿ ಗೆದ್ದಿತ್ತು.

ಸಂಜು ಸ್ಯಾಮನ್ಸ್ ನಾಯಕನಾಗಿರುವ ರಾಯಲ್ಸ್ ಪಾಳಯದಲ್ಲಿ ಈ ಬಾರಿ ಜೋಸ್ ಬಟ್ಲರ್, ದೇವದತ್ ಪಡಿಕ್ಕಲ್, ಆರ್ ಅಶ್ವಿನ್, ಟ್ರೆಂಟ್ ಬೋಲ್ಟ್ ಹಾಗೂ ಯುಜುವೇಂದ್ರ ಚಾಹಲ್ ಅವರಂತಹ ಪ್ರಮುಖ ಆಟಗಾರರಿದ್ದಾರೆ. ಹೈದರಾಬಾದ್ ಚುಕ್ಕಣಿ ಹಿಡಿದಿರುವ ಕೇನ್ ವಿಲಿಯಮ್ಸನ್ಗೆ, ಗ್ಲೆನ್ ಫಿಲಿಪ್, ನಿಕೋಲಸ್ ಪೂರನ್, ರಾಹುಲ್ ತ್ರಿಪಾಠಿ ಸಾಥ್ ನೀಡಲಿದ್ದಾರೆ.

ರಾಜಸ್ಥಾನ್ ರಾಯಲ್ಸ್ ಹಾಗೂ ಸನ್ರೈಸರ್ಸ್ ಹೈದರಾಬಾದ್
ಒಟ್ಟು ಮುಖಾಮುಖಿ: 15
ರಾಜಸ್ಥಾನ್ ರಾಯಲ್ಸ್ ಗೆಲುವು: 7 ಸನ್ರೈಸರ್ಸ್ ಹೈದರಾಬಾದ್ ಗೆಲುವು: 8
ಪಂದ್ಯ ಆರಂಭ: ರಾತ್ರಿ 7.30