ನವದೆಹಲಿ: ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ ವಾಟ್ಸಾಪ್ ಚಾನೆಲ್ಗೆ ಎಂಟ್ರಿಯಾಗಿದ್ದಾರೆ. ದೆಹಲಿ ಕಾಂಗ್ರೆಸ್ ಸಮಿತಿ ಅಧ್ಯಕ್ಷ ಅರವಿಂದರ್ ಸಿಂಗ್ ಲವ್ಲಿ ರಾಹುಲ್ ಗಾಂಧಿಯವರ ವಾಟ್ಸಾಪ್ ಚಾನೆಲ್ ಅನ್ನು ಅಧಿಕೃತವಾಗಿ ಪ್ರಾರಂಭಿಸಿದ್ದಾರೆ. ಮೊದಲ ದಿನವೊಂದರಲ್ಲೇ 42 ಲಕ್ಷ ಜನರು ಚಾನೆಲ್ಗೆ ಸೇರಿದ್ದಾರೆ ಎಂದು ಅವರೇ ಮಾಹಿತಿ ನೀಡಿದರು.
ಡಿಪಿಸಿಸಿ ಕಚೇರಿಯಲ್ಲಿ ಕಾರ್ಯಕರ್ತರು ಹಾಗೂ ಜಿಲ್ಲಾ ಮತ್ತು ಬ್ಲಾಕ್ ಸಮಿತಿ ಅಧ್ಯಕ್ಷರ ಸಮ್ಮುಖದಲ್ಲಿ ಚಾನೆಲ್ ಆರಂಭಿಸಲಾಯಿತು. ಇದನ್ನು ಔಪಚಾರಿಕವಾಗಿ ಆರಂಭಿಸಿದ ಮೊದಲ ರಾಜ್ಯ ಕಾಂಗ್ರೆಸ್ ಡಿಪಿಸಿಸಿ ಎಂದು ಅರವಿಂದರ್ ಸಿಂಗ್ ಹೇಳಿದರು.
ಬಿಜೆಪಿ ಮತ್ತು ಅದರ ಮಿತ್ರ ಪಕ್ಷಗಳು ಸುಳ್ಳು ಸುದ್ದಿಗಳನ್ನು ಹರಡಲು ಸಾಮಾಜಿಕ ಮಾಧ್ಯಮಗಳನ್ನು ದುರುಪಯೋಗಪಡಿಸಿಕೊಳ್ಳುತ್ತಿರುವಾಗ ರಾಹುಲ್ ಗಾಂಧಿಯವರ ವಾಟ್ಸಾಪ್ ಚಾನೆಲ್ ನಿರ್ಭಯವಾಗಿ ಸತ್ಯವನ್ನು ಹೇಳುತ್ತದೆ ಎಂದು ಅರವಿಂದರ್ ಹೇಳಿದರು.
ಕಾಂಗ್ರೆಸ್‌ನ ನೀತಿಗಳಲ್ಲಿ ನಂಬಿಕೆ ಇರುವವರು ನೇರವಾಗಿ ರಾಹುಲ್ ಗಾಂಧಿ ಅವರ ಪೋಸ್ಟ್‌‌ಗಳನ್ನು ಚಾನಲ್ ಮೂಲಕ ಪ್ರವೇಶಿಸಬಹುದು. ಗಾಂಧಿಯವರ ವಿವಿಧ ಚಟುವಟಿಕೆಗಳಿಗೆ ನೇರ ಪ್ರವೇಶ ಪಡೆಯಲು ಸಾರ್ವಜನಿಕರು ಮತ್ತು ನಿವಾಸಿಗಳ ಕಲ್ಯಾಣ ಸಂಘಗಳಂತಹ ನಾಗರಿಕ ಸಂಘಟನೆಗಳ ಸದಸ್ಯರು ಚಾನಲ್‌ಗೆ ಸೇರಬಹುದು ಎಂದು ಆಹ್ವಾನ ನೀಡಿದರು.
ಪ್ರಧಾನಿ ನರೇಂದ್ರ ಮೋದಿ ಸೇರಿದಂತೆ ಬಹುತೇಕ ರಾಜಕಾರಣಿಗಳು ವಾಟ್ಸಾಪ್ ಚಾನೆಲ್ಗೆ ಈಗಾಗಲೇ ಸೇರಿದ್ದಾರೆ.
