ಸಿಡ್ನಿ: ಆಸ್ಟ್ರೇಲಿಯಾದಲ್ಲಿ ನಡೆಯುತ್ತಿರುವ ಟಿ20 ವಿಶ್ವಕಪ್ ಟೂರ್ನಿಯ ಸೆಮಿಫೈನಲ್ ಪ್ರವೇಶಿಸಿರುವ ಭಾರತ, ಗುರುವಾರ ಅಡಿಲೇಡ್ನಲ್ಲಿ ನಡೆಯಲಿರುವ ಮಹತ್ವದ 2ನೇ ಸೆಮಿಫೈನಲ್ ಪಂದ್ಯದಲ್ಲಿ ಬಲಿಷ್ಠ ಇಂಗ್ಲೆಡ್ ಸವಾಲನ್ನು ಎದುರಿಸಲಿದೆ.
ಮೆಲ್ಬೋರ್ನ್ ನಲ್ಲಿ ಭಾನುವಾರ ನಡೆದ ಸೂಪರ್ 12 ಹಂತದ ತನ್ನ ಅಂತಿಮ ಪಂದ್ಯದಲ್ಲಿ ರೋಹಿತ್ ಬಳಗ, ಜಿಂಬಾಬ್ವೆ ತಂಡವನ್ನು 71 ರನ್ಗಳಿಂದ ಮಣಿಸಿತ್ತು. ಇದೀಗ ಈ ಪಂದ್ಯದ ಟಾಸ್ ವೇಳೆ ನಡೆದ ಘಟನೆಯ ವೀಡಿಯೋವೊಂದು ವೈರಲ್ ಆಗಿದೆ.
ಟಾಸ್ ವೇಳೆ ಜಾಕೆಟ್ ವಾಸನೆ ನೋಡಿದ ಅಶ್ವಿನ್ !
ಭಾರತ-ಜಿಂಬಾಬ್ವೆ ಪಂದ್ಯದ ಟಾಸ್ ಗಾಗಿ ಟೀಂ ಇಂಡಿಯಾ ನಾಯಕ ರೋಹಿತ್ ಶರ್ಮಾ, ಜಿಂಬಾಬ್ವೆ ನಾಯಕ ಕ್ರೇಗ್ ಎರ್ವಿನ್ ಪಿಚ್ ಬಳಿ ನಿಂತಿದ್ದರು. ವೆಸ್ಟ್ ಇಂಡೀಸ್ ನ ಮಾಜಿ ಆಟಗಾರ ಇಯಾನ್ ಬಿಷಪ್ ಕ್ರೇಗ್ ಎರ್ವಿನ್ ರನ್ನು ಮಾತನಾಡಿಸುತ್ತಿದ್ದರು. ಈ ವೇಳೆ ಅಭ್ಯಾಸ ಮುಗಿಸಿ ಟೀಮ್ ಇಂಡಿಯಾದ ಸ್ಪಿನ್ನರ್ ಅಶ್ವಿನ್, ವಿಕೆಟ್ ಬಳಿ ಇದ್ದ ಎರಡು ಜಾಕೆಟ್ಗಳಲ್ಲಿ ತನ್ನದು ಯಾವುದೆಂದು ತಿಳಿಯದೆ ಗಲಿಬಿಲಿಯಾಗಿದ್ದಾರು. ಹೀಗಾಗಿ ಎರಡೂ ಜಾಕೆಟ್ ಗಳ ವಾಸನೆ ನೋಡಿ, ಒಂದು ಜಾಕೆಟ್ ಅನ್ನು ಅಲ್ಲೆ ಬಿಟ್ಟು, ತನ್ನ ಜಾಕೆಟ್ ಜೊತೆ ತೆರಳಿದ್ದಾರೆ.
ಟಾಸ್ ನಡುವೆಯೂ ಅಶ್ವಿನ್ ಜಾಕೆಟ್ ಘಟನೆ ವಿಡಿಯೋದಲ್ಲಿ ಸೆರೆಯಾಗಿದೆ. ಚಿಂತಾಮಣಿ ಎಂಬುವವರು ಈ ವಿಡಿಯೋವನ್ನು ಟ್ವಿಟರ್ ನಲ್ಲಿ ಶೇರ್ ಮಾಡಿದ್ದು, ಸಿಕ್ಕಾಪಟ್ಟೆ ವೈರಲ್ ಆಗಿದೆ.
